SQO-da birneshe kásiporyn ekologııalyq aktsııaǵa qatyspaq

PETROPAVL. QazAqparat – Soltústik Qazaqstan oblysynda «Jer saǵaty» dúnıejúzilik ekologııalyq aktsııasyna 10 kásiporyn-mekeme qatysýǵa tilek bildirdi, dep habarlaıdy QazAqparat tilshisi.

SQO Ekologııa departamentiniń málimetinshe, «Jer saǵaty» ekologııalyq aktsııasy 25 naýryz kúni saǵat 20.30 – 21.30 aralyǵynda ótpek. Іs-sharany Dúnıejúzilik jabaıy tabıǵat qory uıymdastyrýda. Ádette, aktsııa naýryz aıynyń sońǵy senbisinde ótkiziledi.

«Dástúrli aktsııaǵa álemniń 180 eli qatysady. Qazaqstan oǵan bıyl 14-ret qosylǵaly otyr.

Osy kúni mıllıondaǵan adam 1 saǵatqa elektr qýatynan bas tartyp, jaryq pen elektr qondyrǵylaryn sóndiredi. Sáýlet eskertkishteri jaryqtandyrylmaıdy.

SQO bıyl da «Jer saǵaty» aktsııasyna qatysýdy josparlap otyr. 10 kásiporyn-uıym tilek bildirdi», - deıdi óńir ekologtary.

Budan bólek, 25 naýryzda Músirepov jáne Gashek kóshelerinde Jambyl kóshesinen bastap 2-JEO deıin, Áýezov kóshesinde Indýstrıalnyı ótpesinen «Malodel» JShS-ǵa deıin kóshe jaryǵy bir saǵatqa sóndirilmek.