SQO-da bir úı eki ret órtengen, ekinshisinde úı ıesi mert boldy

PETROPAVL. QazAqparat – Soltústik Qazaqstan oblysynda turǵyn úı órtenip, 48 jastaǵy er adam qaza tapty, dep habarlaıdy QazAqparat tilshisi.

SQO tótenshe jaǵdaılar departamenti baspasóz qyzmetiniń málimetinshe, oqys oqıǵa 7 maýsym kúni M.Jumabaev aýdany Býlaev qalasynda bolǵan.

Saǵat 17.00 shamasynda 101 qyzmetine Chkalov kóshesindegi 38 úıde órt shyqqandyǵy týraly habarlama túsedi.

Órt jatyn bólmeden shyqqan eken, baspananyń qabyrǵalaryna, jıhazǵa zaqym keldi. Úıindiniń astynan sol úıdiń ıesi – 1972 jyly týǵan er adamnyń denesi tabyldy.

Er adam ishimdikke jaqyn bolǵan. Aldyn ala boljam boıynsha, kerýette jatyp, shylym shegýi múmkin.

«Bul úıde 26 mamyr kúni de órt shyqty. Saldarynan baspananyń jáne qora-qopsynyń shatyry janyp ketti. Órt sol joly elektr symdarynyń qysqa tuıyqtalýynan shyqqan edi», - deıdi SQO TJD basqarmasynyń basshysy Dmıtrıı Rastıhın.

Jalpy jyl basynan beri SQO-da 31 adam órtte mert boldy. 34 adam túrli dene jaraqatyn aldy. Kelgen shyǵyn mólsheri 143 mln teńge shamasynda.