SQO-da bir eldi mekende karantındik shekteýler kúsheıtildi

PETROPAVL. QazAqparat – Soltústik Qazaqstan oblysyndaǵy bir eldi mekende koronavırýstyń taralýyna baılanysty karantındik shekteýler kúsheıtildi, dep habarlaıdy QazAqparat tilshisi.

SQO Qyzyljar aýdanynyń bas sanıtar dárigeri Sokolovka eldi mekeninde karantındik shekteý sharalaryn engizý týraly qaýlyǵa qol qoıdy.

Qaýlyǵa sáıkes aýyl turǵyndary týǵan-týystaryna, tanystaryna qonaqqa bara almaıdy, túrli merekelik, otbasylyq is-sharalardy ótkizýge tyıym salynǵan.

Jerleý sharasyna 30 adamnan artyq jınalýǵa bolmaıdy, 2 metr ara qashyqtyq saqtalýy mindetti. Sondaı-aq barlyq turǵyndarǵa, sonyń ishinde jasy 65-ten asqandarǵa saǵat 22.00 men 06.00 aralyǵynda asqan qajettiliksiz turǵylyqty jerinen ketpeýge keńes berildi.

Budan basqa Sokolovkada meshit pen shirkeýdiń, mádenıet nysandarynyń jumysy shektelip, saýda oryndarynyń, shashtarazdyń jumys ýaqyty saǵat 9.00-den 19.00-ge deıin bekitildi. Bul nysandar senbi-jeksenbi jumys istemeıdi.

Aýdandyq bas sanıtar dárigerdiń qaýlysy 15 aqpan saǵat 00.00-de kúshine enedi.

Buǵan deıin Sokolovka orta mektebiniń karantınge jabylyp, oqýshylary qashyqtan oqýǵa kóshkenin aıtqan edik.