SQO-da bir aptada koronavırýs juqtyrǵandar sany eki ese artty

PETROPAVL. QazAqparat – Soltústik Qazaqstan oblysynda ótken táýlikte koronavırýs juqtyrýdyń jańa 141 jaǵdaıy tirkeldi, úsh adam qaıtys boldy, dep habarlaıdy QazAqparat tilshisi.

SQO densaýlyq saqtaý basqarmasy baspasóz qyzmetiniń málimetinshe, 10 qazandaǵy jaǵdaı boıynsha 1220 adamǵa PTR test jasalyp, koronavırýsty juqtyrǵan 141 adam anyqtalǵan. Aýyrǵandar sany bir aptadan beri turaqty túrde ósip keledi. Máselen, 3 qazan kúni óńirde 72 adam qaýipti ınfektsııany juqtyrǵan edi, osylaısha búginde kórsetkish eki ese artqan.

Qazirgi ýaqytta ınfektsııalyq statsıonarlar 64% júktelgen. 703 adam em alyp jatyr, olardyń 49-ynyń jaǵdaıy nashar. Ótken táýlikte 3 adam aýyryp qaıtty, qaıtys bolǵandar sany 237-ge jetti.

Jalpy SQO-da 25 696 adam koronavırýs juqtyrǵan, onyń 890-y medıtsınalyq qyzmetker. Bul barlyq aýyrǵandardyń 3,5%. 23 263 adam táýir boldy.