SQO-da byltyr memlekettik qyzmetshilerge qatysty turǵyndardan 40 shaǵym túsken

<p>Soltústik Qazaqstan oblysynda memlekettik qyzmettiń sapasyna qatysty turǵyndardan túsken aryz-shaǵymdardyń beseýi boıynsha tıisti shara qoldanylyp, quqyqtary qorǵaldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

QR Memlekettik qyzmet isteri agenttigi SQO boıynsha departamentiniń málimetinshe, memlekettik qyzmet alýshylardyń quqyǵyn qorǵaý maqsatynda 40 ótinish-aryz tekserilip, quzyrly organdarǵa suraý jiberildi. Nátıjesinde olardyń beseýi dáleldendi. 

«Petropavl turǵyny № 1 qalalyq emhanaǵa bekitilip, quqyǵy qorǵaldy, kináli tulǵalar tártiptik jaýapkershilikke tartyldy. Al bir turǵynǵa jyljymaıtyn múlkin tirkeýge qatysty memlekettik qyzmet alý barysynda zańsyz tólengen aqshasy qaıtaryldy. Qazaqstannan kóship bara jatqan memlekettik qyzmet alýshynyń aryzy qaralyp, quqyǵy qorǵaldy», - deıdi QR Memlekettik qyzmet isteri agenttiginiń SQO boıynsha departamenti basqarmasynyń bas mamany Nurgúl Janmýrzına.

Mamandar Petropavl qalalyq ákimdiginde páter kezeginde turǵan er adamnyń ótinishin qarady. «Jetim bala» sanatyna jatatyn turǵynnyń kezekke turǵan kúni zańsyz ózgertilgen. Nátıjesinde ol birden 67 pozıtsııaǵa alǵa jyljydy. Mundaı zańsyzdyqqa jol bergender tártiptik jazaǵa tartyldy. 

«Taǵy bir shaǵym Petropavl qalalyq turǵyn úı-kommýnaldyq sharýashylyǵy bólimine qatysty boldy. Áıel jarty jylǵa jýyq ýaqyt memlekettik turǵyn úı qoryna qaraıtyn páterdi esh negizsiz jekeshelendire almaǵan. Onyń da quqyǵy qorǵalyp, qolyna turǵyn úı komıssııasynyń páterdi jekeshelendirý týraly sheshimi berildi», - deıdi Nurgúl Janmýrzına.