SQO-da byltyr ıt pen mysyq ıelerine 19 mln teńgeden astam aıyppul salyndy

<p>Soltústik Qazaqstan oblysynda &laquo;TANBA&raquo; aqparattyq júıesine 7 myńnan astam úı janýary esepke alyndy. Olardyń 4 120-sy ıt, qalǵan 3 000-ǵa jýyǵy mysyq, dep habarlaıdy <a href="Kazinform." target="_blank" rel="noopener">Kazinform.</a></p>

SQO veterınarııa basqarmasynyń málimetinshe, I KOMEK 109 qyzmeti arqyly Petropavl veterınarlyq stansasyna kúnde toptasyp júrgen qańǵyrǵan ıtter týraly aqparat túsedi. 

Byltyr osyndaı ıesiz úı janýarlaryn ıdentıfıkatsııalaýǵa, ekpe qoıýǵa jáne zararsyzdandyrýǵa 17,1 mln teńge bólindi. Nátıjesinde 300-ge jýyq ıt-mysyq tıisti rásimnen ótti, 284-i qaıta tirshilik ortasyna, qalǵany arnaıy tálimbaqtarǵa jiberildi.

«Úı janýarlaryna chıp qoıý jumystary jalǵasyn tabady. Negizigi maqsaty – ıt pen mysyq ıelerin jaýapkershilikke úıretý. Identıfıkatsııalyq nómir berý arqyly joǵalǵan janýarlardy jáne olardyń ıelerin tez tabýǵa bolady. Petropavlda janýarlardy ýaqytsha ustaýǵa arnalǵan pýnkt salynady. Qalalyq ákimdik jobalyq-smetalyq qujattaryn ázirlep jatyr. Mundaı oryndar aýdan ortalyqtarynda da salynady», - deıdi SQO veterınarııa basqarmasynyń bólim basshysy Natalıa Tarakanova.

Qańǵyrǵan ıtten keler qaýip kóp. SQO sanıtarııalyq-epıdemıologııalyq baqylaý departamentiniń málimetinshe, byltyr 858 adamdy ıt qapqan. Onyń 360-synyń ıesi joq.

SQO polıtsııa vedomstvosynyń málimetinshe, ótken jyly úı janýarlaryna durys qaramaǵan 724 ıt-mysyq ıesi jaýapqa tartyldy. Olarǵa jalpy somasy 19 mln 199 myń teńge aıyppul salynǵan.