SQO-da byltyr 500-ge jýyq adam joǵalyp-tabylǵan

<p>Soltústik Qazaqstan oblysynda iz-tússiz joǵalǵan 11 jastaǵy bala shamamen tórt saǵattan keıin aman-esen tabyldy. Ony izdeýge polıtseılerden bólek qutqarýshylar, volonterler, aýyl adamdary da at salysty, dep habarlaıdy Kazinform.</p>

SQO polıtsııa departamenti baspasóz qyzmetiniń málimetinshe, Ǵ.Músirepov atyndaǵy aýdanda joǵalǵan 11 jastaǵy balanyń júrgen jerin anyqtaý úshin aýqymdy izdestirý sharasy uıymdastyryldy. Ata-anasy jasóspirimniń joǵalǵany týraly saǵat 19:30 shamasynda habarlaǵan. Olardyń aıtýynsha, er bala qoqys laqtyrýǵa shyǵyp, úıge oralmaǵan.
Іzdeý jumystaryna polıtsııanyń barlyq qyzmetkerleri qatysty.

Budan bólek, aýdandyq tótenshe jaǵdaılar bóliminiń qyzmetkerleri, ustazdar jumyldyryldy.
“Lider.kz” volonterlar uıymynyń ókilderi joǵalǵan bala týraly aqparatty áleýmettik jelilerde taratty. Nátıjesinde kóptegen jergilikti turǵyn kómek usyndy.

Іzdeýge atsalysqan 11-synyp oqýshysy Ilıa Shenedrýk, Túmen ındýstrıaldyq ýnıversıtetiniń stýdenti Aleksandr Podolskıı men 20 jastaǵy elektromonter Artýr Garbar kóppáterli úılerdiń kireberisterin, jertóleleri men shatyrlaryn tekserdi. Túngi saǵat 00:00 shamasynda olar balany úılerdiń biriniń kireberisinen tapty. Ol dereý úıine jetkizildi.

Polıtseıler onyń ata-anasymen mundaı jáıtterdi boldyrmaý boıynsha profılaktıkalyq áńgime júrgizildi.

SQO PD krımınaldyq polıtsııa basqarmasynyń málimetinshe, byltyr polıtsııaǵa adamdardyń joǵalýyna qatysty 477 aryz kelip túsken. Búgingi tańda 475 adamnyń júrgen jeri anyqtaldy. Іzdestirý jumystarynda volonterlerdiń kómegi aıtarlyqtaı, byltyr olar 28 adamdy tapty.