SQO-da byltyr 46 jasóspirim qyz bosansa, 14-i jasandy túsik jasatqan
SQO óńirlik kommýnıkatsııalar qyzmetinde «Halyqtyń reprodýktıvti densaýlyǵyn qorǵaý aptalyǵynyń bastalýy týraly» baspasóz konferentsııasy ótti.
Oblystyq perınataldyq ortalyq dırektory Elena Kalıýjnaıanyń aıtýynsha, qazirgi ýaqytta oblysta 15-49 jas aralyǵynda shamamen 116 myńnan astam áıel turady. Olardyń jartysyna jýyǵy aýrýlar boıynsha esepte tur.
«Búgingi kúni perınataldyq ortalyqta densaýlyǵynda kináraty bar, saldarynan ishtegi balanyń shetinep ketý qaýpi joǵary 25 júkti áıel tirkeýde tur. Olar Astana qalasyndaǵy Ana men bala ortalyǵynda bosanady dep josparlanǵan. Óńirde otbasyn josparlaý boıynsha 18 kabınet jumys isteıdi. Sondaı-aq, perınataldyq ortalyqta prenataldy skrınıng arqyly uryqtyń damý aqaýlary anyqtalady, bul júktiliktiń ýaqtyly úzilýine yqpal etedi», - deıdi ortalyq dırektory.
SQO-ǵa «Ańsaǵan sábı» baǵdarlamasy aıasynda 3 jyl ishinde ekstrakorporaldy uryqtandyrýǵa 608 kvota bólingen, 194 jaǵdaıynda nátıje oń boldy. Sonyń ishinde 25 egiz dúnıege keldi. Bıyl óńirge 189 kvota bólindi, onyń 84-i maquldandy, baǵdarlamaǵa qazir 67 erli-zaıypty qatysyp jatyr.
«Ótken jyly alty myńǵa jýyq áıel bosansa, onyń 46-sy jasóspirim qyz. 2 188 jasandy túsik jasaldy, sonyń ishinde 14-i - jasóspirim qyz. Búgingi tańda SQO-da jasóspirim qyzdardyń sany – 10 450, onyń ishinde 502 qyzdyń ekstragenıtaldy patologııasy bar. Júktilik boıynsha 38-i esepte tur. 2024 jyldyń 5 aıynda 7 jasóspirim qyz bosandy, byltyr osy kezeńde 19 jasóspirim qyz týdy. Bıyl 5 aıda 889 jasandy túsik jasalsa, onyń tórteýi jasóspirimderge tıesili», - deıdi Elena Kalıýjnaıa.
Buǵan deıin Otarda komaǵa túsken sarbazdyń esin jıǵanyn jazǵan edik.