SQO-da bilim basqarmasynyń jańa basshysy taǵaıyndaldy

PETROPAVL. QazAqparat - Ákimdik otyrysynda Qumar Aqsaqalov jańadan taǵaıyndalǵan bilim basqarmasynyń basshysyn  tanystyrdy, dep habarlaıdy «QazAqparat» HAA tilshisi.

Vedomstvony buryn Petropavl qalasy bilim bóliminiń basshysy bolǵan Gúlmıra Kárimova basqaratyn boldy.

Gúlmıra Kárimova 1998 jyly Soltústik Qazaqstan memlekettik ýnıversıtetin «bastaýysh synyp muǵalimi» mamandyǵy boıynsha támamdaǵan. 2008 jyly Kókshetaý ýnıversıtetinde qarjy bakalavrynyń dıplomyn aldy.

Eńbek jolyn 1998 jyly Petropavl qalalyq klassıkalyq gımnazııasynda bastaýysh synyp muǵalimi bolyp bastady. Túrli jyldary qala mektepterinde bastaýysh synyp muǵalimi bolyp jumys istedi. 2010-2013 jyldary №17 ulttyq órkendeý orta mektep-kesheniniń dırektory bolǵan. 2013 jyldan qazirgi qyzmetine deıin qalalyq bilim bóliminiń basshysy bolyp jumys istegen.

Basqarmanyń burynǵy basshysy  Sholpan Karınova QR bilim mınıstrliginiń buıryǵymen QR BǴM Mektepke deıingi jáne jalpy orta bilim berý departamentiniń dırektory bolyp taǵaıyndaldy.