SQO-da bıyl jergilikti mańyzy bar 600 km jol jóndeledi

<p>PETROPAVL. KAZINFORM &ndash; Soltústik Qazaqstan oblysyndaǵy jergilikti mańyzy bar avtojoldardyń 84% normatıvtik kórsetkishke saı keledi.</p>

SQO jolaýshylar kóligi jáne avtomobıl joldary basqarmasynyń málimetinshe, óńir elimizdegi joldardyń uzyndyǵy boıynsha 2-shi orynda tur. Oblys avtojoldarynyń uzyndyǵy 8 416 km bolsa, onyń 2 myń km jýyǵy - respýblıkalyq mańyzy bar joldar. 

- Joldardy jónge keltirý mindeti tur. Sońǵy eki jylda 1,6 myń shaqyrymnan astam jalpyǵa ortaq paıdalanylatyn avtomobıl joly jóndeldi. Byltyr jergilikti avtojoldardy damytýǵa jáne kóshe-jol jelisine 52,6 mlrd teńge bólindi. Alǵash ret osyndaı mólsherde mol qarajat bólinip otyr. Nátıjesinde 2024 jyly bólingen qarajat esebinen 793,6 km jóndeldi, onyń 630 km jergilikti mańyzy bar joldar jáne 163,6 km kóshe-jol jelisi, - deıdi basqarma basshysynyń orynbasary Mırhat Ábilmájinov. 

Oryndalǵan jumystar esebinen jergilikti mańyzy bar joldardyń normatıvtik jaǵdaı úlesin 84% jetkizý múmkin bolǵan. 

- Jalpy, 2026 jylǵa deıin jergilikti jeli boıynsha normatıvtik úlesti 95% deıin jetkizý josparlanǵan. Bıyl jergilikti mańyzy bar joldardy jáne kóshe-jol jelisin jóndeýge 34,6 mlrd teńge bólinedi. Bul qarajatqa 600 shaqyrym avtojoldy jáne 100 shaqyrymnan astam kóshe-jol jelisin qamtımyz, - deıdi Mırhat Ábilmájinov. 

Buǵan deıin Petropavldaǵy Jumysshy kenti men qala ortalyǵyn qosatyn avtoótkel bıyl qoldanysqa beriletindigin jazǵan edik.