SQO-da bıyl ıt-mysyq ıelerine 5,3 mln teńge aıyppul salynǵan
SQO veterınarııa basqarmasynyń málimetinshe, úılerinde ıt-mysyq asyraıtyn turǵyndardyń keıbiri zańmen bekitilgen erejege júrdim-bardym qaraıdy. Bul qaǵıdalar adamdar men janýarlardyń qaýipsizdigin qamtamasyz etý, sondaı-aq jeke nemese zańdy tulǵalardyń múlkin zııan keltirýden qorǵaý maqsatynda qabyldanǵan.
«Oblystyń sanıtarııalyq-epıdemıologııalyq baqylaý departamentiniń derekterine súıensek, osy jyldyń 6 aıynda 486 adamdy ıt qapqan. Onyń 270 jaǵdaıynda janýarlardyń ıesi bolǵan. Sonyń ishinde 18 jasqa deıingi 172 balany ıt qapqan. Balalardyń 65-ine qańǵyrǵan ıtter shabýyldaǵan. ıAǵnı kóp jaǵdaıda adamdar ıesi bar ıtterden zardap shekken. Itke talanǵandardyń barlyǵy qutyrýǵa qarsy emdik-profılaktıkalyq vaktsınatsııa alǵan.
Eń basty talap – kóshege ıtti shyǵarǵanda basyna tumyldyryq kıgizý qajet jáne qoǵamdyq oryndarda qarǵybaý uzyndyǵy eki metrden aspaýy tıis», - deıdi SQO veterınarııa basqarmasynyń baspasóz hatshysy Amanjol Nurtazın.
Mamannyń aıtýynsha, ıtti tek jeke aýlada nemese arnaıy bólingen oryndarda ǵana bos jiberýge bolady.
«Kósheden ótkende jáne ǵımarat aldynda baılap qaldyrý qajet bolǵanda, ıtti serýendetýge tyıym salynǵan jerlerde qaýip tóndirmeý úshin ıttiń qarǵybaýynyń uzyndyǵy 1,5 metrden aspaýy tıis.
Itterdi serýendetýge tyıym salatyn oryndar tıisti belgimen belgilenýi kerek.
Eldi meken aýmaǵynda ıtterdiń bos júrýine ruqsat etilmeıdi. Sondaı-aq mas kúıde ıtti serýendetýge bolmaıdy. Halyq shomylatyn sý aıdandarynda, sýburqaqtarda ıtterdi túsirýge tyıym salynǵan», - deıdi Amanjol Nurtazın.
SQO polıtsııa organdarynyń málimetinshe, osy jyldyń 6 aıynda ıt-mysyqty asyraý jáne serýendetý erejelerin buzǵany úshin 191 adam ákimshilik jaýapkershilikke tartylǵan. Olarǵa shamamen 5 mln 307 myń teńge somaǵa 213 ákimshilik aıyppul salyndy.
Buǵan deıin TMD elderi boıynsha izdeýde júrgen 24 qylmysker SQO-da ustalǵanyn jazǵan edik.