SQO-da bıyl aýyl sharýashylyǵynyń pılottyq sanaǵy qaıda ótetini belgili boldy
Soltústik Qazaqstan oblysy ákimdiginiń otyrysy ótip, jıynda ulttyq aýyl sharýashylyǵy sanaǵyn ótkizý máseleleri qaraldy.
Ulttyq statıstıka bıýrosynyń SQO boıynsha departamentiniń jetekshisi Jorabek Daýrenovtyń aıtýynsha, óńirde sanaqty ótkizip, daıyndaýǵa qatysty uıymdastyrýshylyq jáne nusqaýlyq máselelerdi sheshý jónindegi óńirlik komıssııa quryldy, sondaı-aq naýqandy ótkizý jónindegi is-sharalar jospary bekitildi. Osyǵan uqsas komıssııalar oblystyń barlyq 13 aýdanynda jáne Petropavl qalasynda bar.
«Sanaqtan aýyl sharýashylyǵyna qatysy barlardyń bári ótedi, olar: aýyl sharýashylyǵy óndirisimen, aýyl sharýashylyǵy ónimderin óńdeýmen jáne saqtaýmen, sondaı-aq aýyl sharýashylyǵy salasynda qyzmet kórsetýmen aınalysatyn zańdy tulǵalar, sharýa qojalyqtary, jeke kásipkerler, aýyldyq jáne qalalyq jerlerde jeri, maly jáne qusy bar turǵyndar, saıajaı ýchaskelerinde turatyndar. Kásipkerler men sharýashylyqtar sanaqtan online ótse, sany – 7 myńǵa jýyq, qalǵandarynda online da, ıntervıýerlerdi tarta otyryp ta júrgizilmek. Olar – 117 myń turǵyn úı jáne 25 myńǵa jýyq saıajaı ýchaskesi», - deıdi Jorabek Daýrenov.
Bıyl júıeni synaqtan ótkizý maqsatynda tamyzda pılottyq sanaq ótedi. Oǵan respýblıkanyń barlyq óńirleri, 2 aýdanda bir eldi mekennen jáne oblys ortalyǵy qatysady. SQO-da Qyzyljar aýdanynyń Báıterek aýyly, Aıyrtaý aýdanynyń Syrymbet aýyly jáne Petropavl qalasy qatyspaq.
«Petropavldaǵy saıajaılar men jeke qosalqy sharýashylyqtar boıynsha sanaq nysandarynyń tizbesin naqtylaý úshin 2025 jylǵy 15 mamyrdan 15 maýsymǵa deıin ıntervıýerlerdi tarta otyryp, aldyn ala aralaý kózdelgen. Bul sanaqtyń 2006 jylǵy aýyl sharýashylyǵy sanaǵynan aıyrmashylyǵy - 2025 jylǵy sanaqty 1 kezeńde - mal sharýashylyǵy jáne ósimdik sharýashylyǵy birge ótkizý josparlanǵan.
Sanaq eki ádispen júrgiziledi: 1-31 tamyz aralyǵynda arnaıy Webqosymshany online rejıminde sharýashylyqtardyń barlyq sanattary paıdalana alady jáne suraqtarǵa óz betinshe jaýap bere alady. Telefon nómirin engizgennen keıin respondent kórsetilgen uıaly telefon nómirine rastaý kody bar SMS-habarlama alady. Zańdy tulǵalar men sharýa nemese fermer qojalyqtary sanaqtan 100% ózderi derbes ótýi tıis, sharýashylyqtardyń osy sanattary úshin ıntervıýerler kózdelmegen.
Al 2025 jylǵy 20 qyrkúıekten 20 qazanǵa deıin jeke qosalqy sharýashylyqtar men saıajaı ýchaskelerin ıntervıýerler aralap, suhbattasý arqyly saýalnama júrgizedi», - deıdi departament basshysy.
Mamannyń aıtýynsha, qazirgi ýaqytta ulttyq aýyl sharýashylyǵy sanaǵyn júrgizýge qatysty birneshe mindetti júzege asyrý kerek, olardyń ishinde - eldi mekenderdiń aktýaldy kartasyn daıyndaý, túsindirý jumysyn júrgizý, mal basy, alqaptar boıynsha málimetter bazasyn retke keltirý jáne ıntervıýerlerdi ázirleý sııaqty jumystar bar.