SQO-da bıyl adam saýdasyna qatysty 11 qylmystyq is tirkeldi

<p>Soltústik Qazaqstan oblysynda bir áıeldi seksýaldyq quldyqqa satyp, taǵy bir boıjetkendi májbúrlep jezókshe etken Aqmola oblysynyń turǵyny 6 jylǵa bas bostandyǵynan aıyryldy, dep habarlaıdy <a href="Kazinform." target="_blank" rel="noopener">Kazinform.</a></p>

SQO prokýratýrasynyń málimetinshe, jahandyq qylmys ishinde adam saýdasy esirtki men qarý-jaraq saýdasynan keıin úshinshi orynda tur.

Qazaqstan geografııalyq ornalasýyna baılanysty adam saýdasynyń qurbandaryn tasymaldaýǵa yńǵaıly tranzıttik pýnktke aınaldy. 

«Adamdy satyp alý-satý nemese oǵan qatysty ózge de mámileler jasasý, sol sııaqty ony qanaý ne azǵyryp kóndirý, tasymaldaý, berý, jasyrý, alý, sondaı-aq qanaý maqsatynda ózge de is-áreketter jasaý» – osy zańsyz áreketterdiń barlyǵy Qylmystyq kodekstiń 128-babyn qamtıdy. 

«Bul qylmys tórt jyldan on bes jylǵa deıingi merzimge bas bostandyǵynan aıyrýdy, dúnıe-múlkin tárkileýdi kózdeıdi. Kóbine mundaı qylmystardy anyqtaý jáne ashý qıynǵa soǵady, aıtarlyqtaı psıhologııalyq jáne fızıkalyq zııan keltiredi, sondyqtan keıde óz betinshe kómek suraı almaıtyndaı halge jetedi», - deıdi prokýrorlar.

Bıyl SQO-da adam saýdasymen baılanysty qylmystardyń 11 faktisi tirkeldi. Máselen osy jyldyń tamyz aıynda Petropavl soty Aqmola oblysynyń turǵynyn alty jylǵa bas bostandyǵynan aıyrdy, ol «klınıng qyzmetterin kórsetýmen aınalysasyń» dep jas kelinshekti aldap, ony seksýaldyq quldyqqa satyp jibergen. Sondaı-aq uryp-soǵý jáne moraldyq qysym kórsete otyra, 18 jastaǵy qyzdy jezókshelikpen aınalysýǵa májbúrlegen.

SQO prokýratýrasy azamattardy qyraǵy bolýǵa, bilim men daıyndyqty qajet etpeıtin, ásirese shetelde jumys isteýge eliktiretin usynystardy birden qup almaýǵa, jumys berýshiniń adaldyǵyna kóz jetkizbeı, joǵary aqy tólenetin jumys týraly tıisti eńbek shartyn jasamaı, eńbek qatynastaryna túspeýge shaqyrady.