SQO-da bıyl 200-deı otbasy «Ańsaǵan sábı» baǵdarlamasyna qatysa alady

<p>PETROPAVL. KAZINFORM &ndash; Soltústik Qazaqstan oblysyna &laquo;Ańsaǵan sábı&raquo; baǵdarlamasy aıasynda sońǵy úsh jylda 608 kvota bólindi.&nbsp;</p>

SQO densaýlyq saqtaý basqarmasy baspasóz qyzmetiniń málimetinshe, ekstrakorporaldy uryqtandyrý arqyly 174 soltústikqazaqstandyq kelinshek júkti boldy. Onyń 114-i sábıin baýyryna basty. Týǵan sábılerdiń 24-i – egiz.

«Bıyl SQO-ǵa 189 kvota bólindi. Tek qańtar aıynda 131 otbasy kelip, jobaǵa qatysýǵa nıet bildirdi. Qazir onyń 27-si dárigerler baqylaýyna alyndy. Baǵdarlamaǵa birneshe jyl qatarynan qatysa alady. ıAǵnı, eshqandaı shekteý joq. 
Biz endi shalǵaı aýyldardaǵy bala súıgisi keletin juptarmen jumys isteýdi qolǵa alamyz. Osyǵan deıingi kvotalardyń basym bóligi qala jáne qala mańyndaǵy aýdan turǵyndaryna berilgen bolatyn», – deıdi oblystyq perınataldyq ortalyqtyń reprodýktolog-dárigeri Vıktor Protsenko.

Óńirde bedeýlik máselesi ótkir tur, qazirgi ýaqytta 923 jup esepte tur.

Jalpy SQO-da qańtar aıynda 325 náreste dúnıege kelgen, olardyń 152-si – qyz, 173-i – bala. Úsheýi – egiz.

Ótken aıda dúnıege kelgen eń «alyp sábıdiń» salmaǵy 5080 gramm bolǵan.