SQO-da bes zamanaýı sút fermasynyń qurylysyna 2,5 paıyzben nesıe berildi

<p>&laquo;Soltústik&raquo; áleýmettik-kásipkerlik korporatsııasy óńirde zamanaýı sút fermalarynyń qurylysyn qarjylandyrýǵa 17 mlrd teńge bóldi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Korporatsııanyń málimetinshe, sút-taýar fermalaryn salý boıynsha úlken joba aıasynda alǵashqy bes nysannyń qurylysyna jeńildetilgen nesıe berýge sheshim qabyldandy. Qarajat sharýashylyqtarǵa 10 jylǵa 2,5 paıyzdyq mólsherlememen beriledi. Kásipkerler qaryzdy tek eki jyldan keıin ǵana qaıtara bastaıdy.

Máselen Esil aýdanyndaǵy «Atameken-Agro Korneevka» JShS-ge 1,5 mlrd teńge jáne «Azııa Torańǵul» JShS-ge 1 mlrd teńge qarjylandyryldy. Bul sharýashylyqtar 1300 jáne 800 basqa arnalǵan ferma qurylysyn qolǵa alady.

Sondaı-aq Aqqaıyń aýdany Vlasovka eldi mekenindegi «Gerdt» sharýa qojalyǵynda, Ǵ.Músirepov atyndaǵy aýdannyń Nejınka eldi mekenindegi «Nejınka Erke» JShS-de, Taıynsha aýdany Krasnaıa polıana eldi mekenindegi «Zelenye lýga» JShS-de jańa sút-taýar fermalary boı kótermek.

Nátıjesinde qosymsha 200 jumys orny ashylady.

«Soltústik» áleýmettik-kásipkerlik korporatsııasy jalpy osyndaı 18 jobany qarjylandyrmaq nıette.

SQO-da sońǵy jyldary osyndaı 30 zamanaýı ferma ashyldy. Bıyl taǵy 13 myń basqa shaqtalǵan 17-siniń qurylysy bastalyp, 9-y paıdalanýǵa berildi. Nátıjesinde bir fermanyń ashylýymen kem degende elý adam jumyspen qamtylady.

SQO-nyń bul tájirıbesin qyrkúıek aıyndaǵy Joldaýynda Prezıdent Qasym-Jomart Toqaev basqa óńirlerge úlgi etti.