SQO-da bes mekteptiń 800-ge jýyq oqýshysy emtıhannan bosatyldy
SQO bilim basqarmasynyń málimetinshe, Oqý-aǵartý mınıstrliginiń buıryǵymen Petropavl qalasyndaǵy №12,13,14 orta mektepteri jáne Qyzyljar aýdanyndaǵy Ozernyı men Bolshaıa Malyshka aýyldaryndaǵy bilim ordalarynyń oqýshylary emtıhandardan bosatylǵan.
«Bilim sapasy birinshi orynda tur. Sondyqtan mamyrdyń 27 men 31 aralyǵynda jáne tamyzdyń 26 men 30 aralyǵynda jazǵy mektep jumys isteıtin bolady. Onda 1-8 jáne10 synyp oqýshylary ótken taqyryptardy qaıtalaıdy. Jazǵy mektepter oblystyń 422 bilim ordasynda uıymdastyrylyp, 21 myńnan astam oqýshyny qamtymaq», – deıdi basqarma basshysynyń mindetin atqarýshy Tatıana Protopopova.
SQO-da bıyl 9-synypty 7 myńǵa jýyq bala bitiredi. Al 11-synypty 3,3 myń oqýshy támamdamaq.
Oblysta 11-synyp túlekteriniń 85-i «Altyn belgige» úmitker. Al erekshe úlgidegi attestatqa 11-synyptyń 177 jáne 9-synyptyń 382-i oqýshysy qol jetkizýi múmkin.
«Mektepti bitirý, synyp saǵattary, attestattardy tapsyrý is-sharalaryn uıymdastyrý kezinde pedagogıkalyq ádepti saqtaý, sybaılas jemqorlyq quqyq buzýshylyqtardyń aldyn alý maqsatynda ata-analardan is-sharalardy ótkizýge, anımatorlardy, merekelik is-sharalar agenttikterin, jeke stýdııalardy tartýǵa, avto jáne lımýzınderdi jalǵa alýǵa qarajat jınaýǵa jol berilmeıtinin atap ótkim keledi. Mektep ákimshiligi men muǵalimderge syılyqtar jınaýǵa tyıym salynady», - deıdi Tatıana Protopopova.
Attestattar maýsymnyń 12 men 15 aralyǵynda mektepterde tabystalmaq.
Munyń aldynda SQO-da tasqynnan zardap shekken eki saýyqtyrý lagerinde maýsym ádettegiden kesh bastalatynyn aıtqan edik.