SQO-da basshylyq qyzmet atqarǵan polıtsııa generaly alaıaqtyq kúdigimen tergelýde - agenttik

ASTANA. QazAqparat – SQO Qylmystyq atqarý júıesi departamentiniń basshysy bolǵan Berik Bilálovke qatysty sotqa deıingi tergeý júrip jatyr, dep habarlaıdy QazAqparat tilshisi.

«Sybaılas jemqorlyqqa qarsy qyzmeti polıtsııa general-maıory B.S. Bılıalovqa qatysty QR Qylmystyq kodeksiniń 190-baby 4-bóligi 2-tarmaǵy (asa iri mólsherdegi alaıaqtyq) boıynsha sotqa deıingi tergeý júrgizip jatqanyn habarlaımyz», - dep jaýap berdi QR Sybaılas jemqorlyqqa qarsy is-qımyl agenttigi QazAqparattyń resmı saýalyna.

Agenttik málimetinshe, B. Bilálov bıylǵy 24 aqpanda kúdikti dep tanylǵan.

«Bultartpaý sharasy saılanbady. Tergeý múddesi úshin ózge de aqparat jarııa etilmeıdi», - deıdi Sybaılas jemqorlyqqa qarsy is-qımyl agenttigi.