SQO-da basqarma basshysy qamaýǵa alyndy

PETROPAVL. QazAqparat – Soltústik Qazaqstan oblysy Qyzyljar aýdandyq memlekettik kirister basqarmasynyń basshysy para aldy degen kúdikke ilindi, dep habarlaıdy QazAqparat tilshisi.

SQO sybaılas jemqorlyqqa qarsy qyzmettiń basshysy Jarqyn Ǵalymov osy faktige qatysty resmı jaýap berip, Qyzyljar aýdandyq memlekettik kirister basqarmasynyń basshysy Mereke Aǵajanovqa qatysty sotqa deıingi tergeý júrip jatqanyn rastady. Memlekettik qyzmetshi aıtarlyqtaı somada para aldy dep kúdiktelgen.

«Petropavl qalalyq mamandandyrylǵan tergeý soty kúdikti M.Aǵajanovqa qatysty qamaýda ustaý túrindegi bultartpaý sharasyn sanktsııalady. Qazaqstan Respýblıkasy Qylmystyq is júrgizý kodeksiniń 201-babyna sáıkes ózge aqparat tergeý múddesine oraı jarııalanbaıdy», - delingen sybaılas jemqorlyqqa qarsy qyzmettiń jaýabynda.