SQO-da bas memlekettik sanıtar dárigerdiń jańa qaýlysy shyqty

PETROPAVL. QazAqparat – Soltústik Qazaqstan oblysynda koronavırýs ınfektsııasyn juqtyrýshylar sanynyń azaıýyna baılanysty bas memlekettik sanıtar dárigerdiń jańa qaýlysy shyqty, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamentiniń málimetinshe, sońǵy aptada aýrýdy juqtyrý 34 %-ǵa tómendep, 242-den 159 jaǵdaıǵa tústi.

Máselen ótken táýlikte óńirde jańadan 13 jaǵdaı tirkeldi.

21 sáýirden bastap epıdemıologııalyq jaǵdaıdy baǵalaý matrıtsasyna sáıkes oblys «jasyl» aımaqta.

Osyǵan oraı, oblystyń bas memlekettik sanıtarııa dárigeri jańa qaýlyǵa qol qoıyp, burynǵy qaýlylarǵa túzetýler engizdi. Ózgerister qol qoıylǵan kúnnen bastap kúshine enbek.

Endi:

1) sanıtarııalyq talaptardy eskere otyryp, azyq-túlik pen azyq-túlik emes taýarlarǵa, saýda oıyn-saýyq ortalyqtaryna, saýda úılerine ýaqyt shekteýsiz jumys isteýge ruqsat etildi;

2) Qoǵamdyq tamaqtaný nysandarynyń jumys ýaqyty saǵat 2.00-ge deıin uzartyldy, jazǵy alańdardyń jumys ýaqyty saǵat 7.00-den saǵat 2.00-ge deıin, 50 %-ǵa deıin toltyryp, biraq 50 orynnan asyrmaı jumys isteýge ruqsat berildi;

3) Boýlıngter men kompıýterlik klýbtarǵa kelýshiler sanyn 30 % -dan asyrmaı jumys isteýge ruqsat etildi.

Jalpy, SQO-da vaktsınanyń birinshi komponentin 45 153 adam alsa, tolyq kýrstan 15 103 adam ótti. 815 adam otandyq vaktsınany saldyrdy.

«Vaktsınatsııa ınfektsııadan qorǵaýdan basqa, birqatar artyqshylyqtar beredi, QR Bas memlekettik sanıtarııa dárigeri qaýlysyna sáıkes, COVID-19-ǵa qarsy vaktsınatsııanyń tolyq kýrsyn alǵan adamdar el aýmaǵynda qujattyq dáleldeme usynǵan kezde PTR-testsiz: QR memlekettik shekarasynan ótýge, bolashaq ata-analarǵa bala asyrap alý úshin náresteler jáne balalar úıine barýyna, patsıentterdiń, onyń ishinde júkti áıelderdiń, balalardyń josparly túrde gospıtalızatsııa alýyna, medıtsına qyzmetkerleri demalystan, issapardan, aýrýyna baılanysty jumys ornynda bolmaǵannan keıin, medıtsınalyq joǵary oqý oryndarynyń jáne medıtsınalyq kolledjderdiń stýdentteri medıtsınalyq uıymdarda praktıkany bastaýyna ruqsat bar. Vaktsına alǵan qyzmetkerler qashyqtaǵy jumys formatyna kóshirilmeıdi, COVID-19-dy juqtyrǵandarmen baılanysta bolǵandar 14 kúndik karantınge jatpaıdy», - deıdi SQO sanıtarııalyq-epıdemıologııalyq baqylaý departamentiniń basshysy Áset Jumataev.

Jalpy oblysta KVI juqtyrǵandar sany 14 070-ke jetti.