SQO-da balyqtyń qyrylýyna kóldiń túbine deıin qatýy sebep bolǵan

PETROPAVL. QazAqparat – Soltústik Qazaqstan oblysynda Jekekól, Logovoe, Pestroe kólderinde balyqtyń qyrylý sebebi anyqtaldy, dep habarlaıdy QazAqparat tilshisi.

Oblystyq ekologııa departamentiniń málimetinshe, vedomstvoaralyq jumys tobynyń otyrysynda Aıyrtaý aýdanynyń Logovoe, Qyzyljar aýdanynyń Pestroe jáne Jambyl aýdanynyń Jekekól kólderinde balyqtyń qyrylý sebepteri aıtylǵan.

mamandar paıymynsha, qyrylý - sý aıdynyndaǵy taıaz jerlerdiń túbine deıin qatýy sebebinen bolǵan. Osyǵan oraı Esil oblysaralyq basseındik balyq sharýashylyǵy ınspektsııasyna sý aıdyndaryndaǵy ıhtıofaýnanyń jaı-kúıin bilý úshin bıologııalyq materıal jınaý maqsatynda balyq aýlaý usynyldy.

Melıoratıvtik aýlaý jónindegi komıssııa Aıyrtaý aýdanynyń Lýgovoe kólinde balyq aýlaý máselesin qaraýy kerek.

Al Qyzyljar aýdanynyń Pestroe kóli men Jambyl aýdanynyń Jekekól kólderin jalǵa alýshylar balyq pen olardyń shabaqtaryn qutqarý úshin tıisti sharalar atqarýy tıis.

Jergilikti atqarýshy organǵa osy sý aıdyndarynyń jaı-kúıine turaqty monıtorıng júrgizý usynyldy.

Buǵan deıin mamandar Býgrovoe, Prýd kólderinde jáne Chaglınka ózeninde móńke balyǵynyń aýa jetpeı qyrylǵanyn anyqtaǵan edi.