SQO-da balyq sharýashylyǵymen aınalysatyn úsh joba júzege aspaq

<p>PETROPAVL. KAZINFORM &ndash; Soltústik Qazaqstan oblysynda bıyl 62 sý aıdynyn zertteýge bıýdjetten 19 mln teńge bólindi. Maqsat &ndash; taýarlyq balyq ósirý sharýashylyǵyn damytý úshin qoldanystaǵy kólderdiń sanyn arttyrý.</p>

SQO tabıǵı resýrstar jáne tabıǵat paıdalanýdy retteý basqarmasynyń basshysy Beıbit Ismanov óńirlik kommýnıkatsııalar qyzmetinde óńirdegi balyq sharýashylyǵynyń jaı-kúıi men damý perspektıvalary týraly aıtty. 

SQO-da balyq sharýashylyǵyna jaramdy 589 kól bar. Onyń 315-i qoldanysqa berilse, al 274-i rezervte tur. 2021 jyldan bastap memleket balyq sharýashylyǵyn damytýǵa baǵyt aldy, sonyń nátıjesinde óńirdegi balyq óndirisiniń kólemi 147% artqan. 2021 jyly óńirde 577 tonna balyq ósirilse, byltyr onyń sany 1428 tonnaǵa jetti. 

«Qazirgi ýaqytta balyq sharýashylyǵy sý aıdyndarynyń sanyn ulǵaıtý mindeti tur. Bıyl jergilikti bıýdjetten 62 jańa sý aıdynyn zertteýge 19 mln teńge bólindi. Mundaı jumys byltyr da atqaryldy. 16 mln 240 myń teńgege 41 sý aıdyny tekserilip, sonyń 40-y balyq sharýashylyǵyn júrgizý úshin qolaıly dep tanyldy. Sondaı-aq, 10-ǵa jýyq balyq sharýashylyǵy sý aıdyndaryn kásipshilik balyq aýlaý túrinen balyq ósirý nysanyna aýystyrý josparlanǵan», - deıdi Beıbit Ismanov. 

Bıyl oblysta balyq sharýashylyǵy óniminiń ónimdiligi men sapasyn arttyrý, sondaı-aq asyl tuqymdy balyq sharýashylyǵyn damytý maqsatynda 20 mln teńge sýbsıdııa bólindi. Ótemaqy balyq túrleriniń dernásilderin jáne olardyń býdandaryn satyp alýǵa beriledi. Budan bólek kásipker balyq sharýashylyǵyn damytýǵa ınvestıtsııa quıǵan jaǵdaıda shyǵystyń bir bóligi óteledi. 

«QR Úkimetiniń qaýlysymen bekitilgen balyq sharýashylyǵyn damytýdyń 2021-2030 jyldarǵa arnalǵan baǵdarlamasyna sáıkes, SQO 2030 jylǵa qaraı balyq óndirisin 10 myń tonnaǵa deıin jetkizýi tıis. Qazir bizdiń oblysta úsh ınvestıtsııalyq joba bar. Solardyń biri keler jyly qolǵa alynatyn Qyzyljar aýdanynda salynyp jatqan «Sever Montaj Avtomatıka» JShS bekire balyq ósirý kesheni. Onyń qýaty jylyna 25 tonna. Mamlıýt aýdanynda 2025 jylǵa deıin qýaty 50 tonnaǵa jetetin balyqty óńdeý jáne konservileý nysany boı kótermek. Sondaı-aq osy aýdanda «NPTs RH Petroforel» JShS 2026 jylǵa deıin qýattylyǵy jylyna 20 tonnaǵa deıin jetetin forel sharýashylyǵyn ashpaq», - deıdi basqarma basshysy. 

Buǵan deıin SQO-da tasqyn kezinde sý astynda qalǵan balalar lageri jóndelip, jaqynda jańa maýsymdy ashatyndyǵyn jazǵan edik.