SQO-da balalar arasynda kókjótel aýrýy jıiledi
SQO sanıtarııalyq-epıdemıologııalyq baqylaý departamentiniń málimetinshe, byltyr bir jyldyń ishinde kókjótelmen 20 adam aýyrǵan.
Bıyl úsh aıdyń ishinde dertti juqtyrǵandardyń deni – 14 jasqa deıingi balalar. Aýyrǵandardyń basym bóligi – Petropavl turǵyndary. Qyzyljar aýdanynan eki bala syrqattanǵan.
Kókjótel aýrýynyń jıileýi ujymdyq ımmýnıtettiń tómendeýimen baılanysty bolyp otyr. ıAǵnı, dertke qarsy ekpe alýdan bas tartatyndar kóbeıgen.
«Kókjótel – jedel taralatyn, kóbine balalar aýyratyn dert. Desek te, aýrýǵa qarsy ómirlik ımmýnıtet qalyptaspaǵan jaǵdaıda ony eresekter de juqtyrady. Bakterııa naýqas jótelgende silekeı, qaqyryq arqyly tarap, keıin tynys alý organdarynda damıdy. Jótel qysyp, ustama kezinde bala qyzaryp, odan keıin kógerip, moınyndaǵy tamyrlary shodyraıyp, kózderi qantalaıdy. Yryqsyz nájis, ne nesep bólinýi múmkin. Tili syrtqa shyǵyp, kózinen jas aǵady. Aýrý bir aıdan birneshe aıǵa deıin sozylýy múmkin. Asqynǵan jaǵdaıda ókpeniń qabynýyna ulasady, mıdyń zaqymdanýy sııaqty asqynýlarymen de qaýipti», - deıdi ınfektsııalyq jáne parazıttik aýrýlardy epıdemıologııalyq baqylaý bóliminiń basshysy Saltanat Bekqojına.
Mamannyń aıtýynsha, kókjótelden qorǵanýdyń senimdi ádisi – vaktsınatsııalaý. Kókjótelge qarsy ekpeniń alǵashqy dozasy 2 aılyq balaǵa salynyp, sosyn 3 jáne 4 aıynda qaıtalanady. Sondaı-aq 1, 5 jáne 6 jasta kókjótelge qarsy revaktsınatsııalaý júrgiziledi.