SQO-da azyq-túlik baǵasyn mólsherden tys ósirgender jazalandy

<p>PETROPAVL. KAZINFORM &mdash; Soltústik Qazaqstan oblysynda 124 kásipkerlik sýbektisi áleýmettik mańyzy bar azyq-túlik taýarlaryna saýda ústemesiniń mólsherin asyrǵany úshin jazalandy. Olardyń 12-si mln teńgege jýyq aıyppul tólese, qalǵandary, ázirge eskertý aldy.</p>

SQO saýda jáne tutynýshylardyń quqyqtaryn qorǵaý departamentiniń basshysy Qanat Jeńisbekulynyń aıtýynsha, taýarlardyń, jumystar men qyzmetterdiń sapasy men qaýipsizdigine qatysty azamattardan túsetin shaǵymdar sany artyp keledi. Jyl basynan beri vedomstvoǵa shara qoldanýdy surap, 400-ge jýyq ótinish túsken.

«Shaǵymdardyń jartysyna jýyǵy elektrondy saýdaǵa qatysty. Ekinshi orynda
28% bólshek saýda, 6% — turǵyn úı-kommýnaldyq sharýashylyq qyzmeti, 3,3% — turmystyq qyzmet kórsetý tur. Departament tutynýshylardyń quqyǵyn qorǵap, olarǵa 5,3 mln teńge shamasynda aqshasyn qaıtarýǵa járdem kórsetti. Onyń 2,1 mln teńgesi bólshek saýda salasynda, 1,8 mln teńgesi — elektrondyq saýda bolsa, qalǵan 1,3 mln teńgesi turmystyq qyzmet kórsetý salasyna qatysty», — deıdi Qanat Jeńisbekuly.

Jospardan tys tekserý nátıjeleri boıynsha QR tutynýshylardyń quqyqtaryn qorǵaý týraly zańnamasyn buzǵany úshin 13 kásipkerlik sýbektisine ákimshilik jaza qoldaný týraly qaýly shyǵaryldy. Sondaı-aq anyqtalǵan zań buzýshylyqtardy joıý týraly nusqama berilgen.

«Saýda qyzmetin retteý salasyndaǵy zańnamany buzǵany úshin 125 kásipkerlik sýbektisi ákimshilik jaýaptylyqqa tartyldy. Onyń ishinde 124 bıznes sýbektisi áleýmettik mańyzy bar azyq-túlik taýarlaryna saýda ústemesiniń mólsherin asyrǵany úshin jáne vıtrınadaǵy jáne kassalyq chekte kórsetilgen taýar baǵasynyń aıyrmasy úshin bireýi ákimshilik jaýaptylyqqa tartyldy. Onyń ishinde 12 sýbekt memleket kirisine jalpy somasy 895 310 teńge bolatyn ákimshilik aıyppul tóledi, qalǵandaryna eskertý túrinde ákimshilik jaza qoldanyldy», — deıdi departament basshysy.

Buǵan deıin SQO-da dıqandar astyq saqtaıtyn elevator tappaı qınalyp jatqanyn jazǵan edik.