SQO-da azamattardy biryńǵaı qabyldaý kúni ótti

<p>PETROPAVL. KAZINFORM &ndash; Soltústik Qazaqstan oblysynda Prezıdenttiń bastamasymen qolǵa alynǵan &laquo;Tyńdaıtyn memleket&raquo; tujyrymdamasy aıasynda &laquo;Azamattardy biryńǵaı qabyldaý kúni&raquo; ótti.</p>

Turǵyndardyń muń-muqtajyna qulaq asyp, ótinishterin tyńdaýǵa, keıin tıisti shara qoldaný maqsatynda is-sharaǵa oblys ákiminen bólek qala basshylyǵy, jergilikti atqarýshy, sot jáne quqyq qorǵaý organdarynyń jetekshileri, qarjy ınstıtýttary men kommýnaldyq kásiporyndardyń ókilderi qatysty.

SQO ákimi baspasóz qyzmetiniń málimetinshe, ashyq qabyldaý óńir turǵyndarynyń úlken qyzyǵýshylyǵyn týdyrdy. Petropavlda jáne búkil aýdandarda ótken qabyldaýǵa 611 adam keldi. 

Foto: SQO ákimi baspasóz qyzmeti

Azamattar baspana, abattandyrý, kommýnaldyq sharýashylyq, jer jáne áleýmettik máselelerdi kóterdi. Olar boıynsha kezdesýge kelgenderge aqparat pen keńes berildi. Soltústikqazaqstandyqtardyń máselelerin sheshý úshin memlekettik organdardyń basshylaryna naqty tapsyrmalar júkteldi. Onyń oryndalýy oblys ákiminiń baqylaýynda bolady.

«Azamattardy biryńǵaı qabyldaýdy ótkizý onyń qajettiligin kórsetti. Biz ony dástúrli qylamyz. Osy formatta jylyna eki ret barlyq memlekettik organdardyń qatysýymen úlken qabyldaý ótkizýdi josparlap otyrmyz», — dedi óńir basshysy Ǵaýez Nurmuhambetov.