SQO-da avtomobıl joldaryn kútip ustamaǵan 14 laýazymdy tulǵa jazalandy

<p>Soltústik Qazaqstan oblysynda ákimshilik polıtseıler qys bastalǵaly avtojoldar men kóshe-jol jelisine 160 tekserý júrgizdi, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

SQO polıtsııa departamenti baspasóz qyzmetiniń málimetinshe, ákimshilik polıtsııa mindetteriniń biri – avtomobıl joldaryndaǵy qaýipsiz qozǵalys úshin jaǵdaı jasaý. Qys bastalysymen jol qyzmetteriniń jumysy kóbeıdi. Alaıda olardyń arasynda óz isine júrdim-bardym qaraıtyndar da bar. Olardyń qyzmetin baqylaý jáne qadaǵalaý ákimshilik polıtsııa basqarmasynyń quzyretinde. 

Foto: SQO polıtsııa departamenti

SQO-da bıyl kóshe-jol jelisin kútip ustaý jumystaryna 500-ge jýyq tehnıka jumyldyrylǵan. Qys bastalǵaly ákimshilik polıtseıler jol jáne kommýnaldyq organdardyń ókilderimen birlesip, avtomobıl joldary men kóshe-jol jelisine 160 tekserý júrgizdi. Onyń barysynda jol qozǵalysynyń qaýipsizdigine keri áserin tıgizetin 65 olqylyq anyqtaldy. Anyqtalǵan kemshilikterdi joıý boıynsha 54 uıǵarym berilip, joldardy kútip ustaýǵa jaýapty 14 laýazymdy tulǵa ákimshilik jaýapkershilikke tartyldy.

Jergilikti atqarýshy organdarǵa jol qyzmetteriniń qar jaýǵan soń birden tıisti jumystardy júrgizý qajettigi týraly usynym jiberildi.