SQO-da avtokólikterdi zańsyz jabdyqtaýdyń 200-ge jýyq deregin anyqtady
SQO polıtsııa departamenti baspasóz qyzmetiniń málimetinshe, elden suıytylǵan gazdy áketýge tyıym salynýyna baılanysty 14 jeltoqsannan bastap óńir polıtseıleri SQO kóliktik baqylaý ınspektsııasymen birge reıdtik is-sharalar júrgizip jatyr. Osy kúnge deıin zań buzýshylyqtar anyqtalǵan joq.
Sonymen qatar, tártip saqshylary reıd barysynda aýyr júk kóligin zańsyz jolmen qaıta jabdyqtaýdy tekseredi.
"Qozǵaltqyshy úlken kólikti júrgizýshiler kóbinese avtogazdy qoldanady. Esterińizge sala keteıik, tıisti ruqsatpen ǵana qaıta jabdyqtaýǵa bolady. Zańsyz qaıta jabdyqtaý qalypty jumys rejıminiń buzylýyna jáne apatqa ákelýi múmkin", - deıdi SQO PD jergilikti polıtsııa qyzmeti basqarmasynyń bastyǵy Aıdyn Baımatov.
Qosymsha jaryqtandyrý qurylǵylaryn ornatýǵa, shanaqtyń kólemin ulǵaıtýǵa jáne basqa da elementterdi qosýǵa ruqsat etiledi, biraq mamandardyń kelisimimen ǵana. Ózge jaǵdaıda, QR Ákimshilik quqyq buzýshylyq týraly Kodekstiń 590-baby "Kólik quraldaryn paıdalaný qaǵıdalaryn buzý" boıynsha jaýapkershilik bar. Zańsyz qaıta jabdyqtalǵan kólik quralyn paıdalanǵany úshin 15 AEK mólsherinde aıyppul qarastyrylǵan.
2023 jyldyń basynan bastap SQO-da kólikti zańsyz qaıta jabdyqtaǵany úshin 198 júrgizýshi ákimshilik jaýapkershilikke tartyldy.