SQO-da aýyl ákimi qolastyndaǵy qyzmetkeriniń qylyǵy úshin sógis aldy
Sybaılas jemqorlyqpen kúres qyzmetiniń SQO boıynsha ókildiginiń málimetinshe, Jambyl aýdanyndaǵy Troıtskıı aýyldyq okrýgi ákimń apparatynyń bas mamany alaıaqtyqqa jol bergen.
Memlekettik qyzmetshi byltyr aýyl turǵyndarynan kólik salyǵyn tóleý úshin birneshe márte aqsha alǵan. Alaıda bul qarajat jergilikti bıýdjet esebine túspegen. Bas maman ózine senip tapsyrylǵan aqshany qaltasyna basypty. Jalpy somasy – 98,5 myń teńge.
Bolashaqta mundaı jaǵdaılarǵa jol bermeý úshin memlekettik organdarǵa shara qoldaný usynyldy. Máselen aýdandyq jáne aýyldyq okrýgterdiń qyzmetkerlerin sybaılas jemqorlyqqa qarsy zańnamamen tanystyryp, olardyń jaýapkershiligin, tártiptiligin nyǵaıtatyn jumystardy qolǵa alý.
«Qazirgi ýaqytta elimizde sybaılas jemqorlyqqa qarsy saıasatty júzege asyrýda jazalaý sharalarynan qylmystyń aldyn alýǵa aýystyrylǵandyǵyn eskersek, QR Qylmystyq is júrgizý kodeksiniń 200-babyna sáıkes usynystardy qaraý tıimdi jáne mindetti shara bolyp otyr», - deıdi SQO Syıbaılas jemqorlyqqa qarsy qyzmet jetekshisiniń birinshi orynbasary Nurlan Jaqın.
Al baǵynyshty qyzmetkeriniń teris qylyqqa barýyna jol bergeni úshin Troıtskıı aýyldyq okrýginiń ákimine sógis jarııalandy.