SQO-da aýyl turǵynynan myń lıtrge jýyq zańsyz alkogol alyndy

<p>Soltústik Qazaqstan oblysy Qyzyljar aýdanynyń turǵyny balasymen birge úıinde qoldan jasalǵan spırttik ishimdikterdi zańsyz satyp kelgen. Áıeldiń úıinen 977 lıtr alkogol ónimi tárkilendi, dep habarlaıdy Kazinform.</p>

SQO polıtsııa departamenti baspasóz qyzmetiniń málimetinshe, tárkilengen alkogol ónimi iri partııaǵa jatady. Qyzyljar aýdanynyń polıtsııa bóliminiń qyzmetkerleri ony qala mańyndaǵy aýyldardyń birinen tapqan. 5 lıtrlik bótelkelerdegi alkogol jáne qoldan japsyrylǵan aktsızdik markalary bar araq egde jastaǵy áıeldiń sharýashylyq úı-jaıynan tabyldy.

Foto: SQO PD baspasóz qyzmeti

«Bul faktini aldymen ýchaskelik ınspektor anyqtady. Áıel 977 lıtr alkogoldi óz qajettilikterim úshin aldym dep sendirýge tyrysqan. Alaıda polıtsııada aýyl turǵynynyń 37 jastaǵy uly araqty «qoldan» satatyny týraly aqparat boldy. Tekseris barysynda bári rastaldy.

Jınalǵan materıal is júrgizý sheshimin qabyldaý úshin ekonomıkalyq tergeý departamentine jiberildi. Alkogoldiń zańsyz aınalymyna qarsy kúres qylmystyń aldyn alýdyń mańyzdy quramdas bóligi, ol turaqty negizde júrgiziledi», - deıdi Qyzyljar aýdandyq polıtsııa bóliminiń bastyǵy Álıhan Baıqadamov.

Bıyl SQO polıtseıleri zańsyz aınalymnan 8 136 lıtr alkogoldi tárkilep aldy.