SQO-da aýdandyq bilim bóliminiń býhgalteri sottaldy

<p>PETROPAVL. KAZINFORM &ndash; Soltústik Qazaqstan oblysynda Aıyrtaý aýdandyq bilim bóliminiń býhgalterine qatysty sot úkimi shyqty.</p>

SQO sybaılas jemqorlyqqa qarsy kúres qyzmetiniń málimetinshe, bilim bóliminiń býhgalteri ózine jáne bólim qyzmetkerlerine negizsiz jalaqyny ósirip, zańsyz aýdarý arqyly 4,5 mln teńge somasynda bıýdjet qarajatyn urlaǵan degen kiná taǵyldy.

Sottalýshynyń kinási tolyq dáleldendi. Ol memleketke keltirilgen zalaldy tergeý barysynda tolyq kólemde ótedi.

Aıyrtaý aýdandyq sotynyń úkimimen oǵan 3 jyl 6 aı bas bostandyǵyn shekteý túrindegi jaza taǵaıyndaldy. Eks-býhgalter qarjy jáne memlekettik uıymdarda sol merzimge materıaldyq-jaýapty laýazymdardy atqarý quqyǵynan aıyryldy.

Sot aktisi zańdy kúshine engen joq.

Vedomstvo Konstıtýtsııanyń 77-baby 3-tarmaǵynyń 1-tarmaqshasyna jáne Qylmystyq-protsestik kodekstiń 19-baby 1-bóligine sáıkes, sottyń úkimi zańdy kúshine engenge deıin ár adam kinásiz dep esepteledi.

Buǵan deıin Petropavlda jolaýshy tasymaldaýshylar kóshedegi avtobýstardyń sanyn eki ese qysqartýdy josparlap otyrǵandyǵyn jazǵan edik.