SQO-da aýdan ortalyǵyndaǵy shyrsha sanaýly mınýtta janyp ketti

<p>Soltústik Qazaqstan oblysy Beskól aýylyndaǵy bas shyrsha janyp ketti, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Áleýmettik jelide janyp jatqan shyrshanyń beınejazbasy tarady.

Kýágerlerdiń aıtýynsha, oqys oqıǵa Qyzyljar aýdanynyń ortalyǵy Beskólde bolǵan.

Órt sóndirýshiler muny rastady. 

Foto: Instagram

SQO tótenshe jaǵdaılar departamenti baspasóz qyzmetiniń málimetinshe, búgin saǵat 18.40-ta Qyzyljar aýdandyq órt sóndirý bólimine Beskóldegi ortalyq alańǵa qurylǵan shyrshanyń janyp jatqany týraly habar túsken.

Oqıǵa ornyna eki arnaıy tehnıka jáne 6 órt sóndirýshi jiberildi. Órt mamandar kelgenshe sóndirildi.

Zardap shekkender joq.

Aldyn ala boljam boıynsha, shyrshanyń janýyna elektr symdarynyń qysqa tuıyqtalýy sebep bolýy múmkin.