SQO-da «Astana-Petropavl» jolynyń jóndeý jumystary aıaqtalýda

PETROPAVL. QazAqparat - SQO-da «Nurly jol» baǵdarlamasy aıasynda «Kóliktik-logıstıkalyq ınfraqurylymdy damytý» boıynsha avtokólik joldaryn jóndeý baǵytynda 5 joba júzege asýda, dep habarlady QazAqparat.

Búgingi otyrysta «Nur Otan» partııasy fraktsııasynyń músheleri magıstraldardaǵy jumystar barysyn talqylady.

Respýblıkalyq bıýdjetten jáne Ulttyq qordan bes jobany júzege asyrýǵa 19 mlrd. teńge bólindi. Fraktsııa komıssııasynyń múshesi Galına Semenovanyń aıtýynsha, qazan aıynyń basyna deıin qarajat tolyǵymen ıgerildi.

«Bıyl uzyndyǵy 132 shaqyrym bolatyn «Astana-Petropavl» jolynyń jóndeý jumystaryn aıaqtaý josparlanýda. Sonymen birge, «Jezqazǵan-Petropavl» jáne «Petropavldy aınalyp ótý» avtojoldary aýmaǵyndaǵy jumystar da aıaqtalady. Bul bólikterdi júzege asyrý kezinde SQO aýmaǵyndaǵy «Býrabaı-Kókshetaý-Petropavl» tranzıtti dáliziniń de jóndeý jumystary aıaqtalady», - dedi Galına Semenova.