SQO-da Ashyq jobasynyń jańa kóshbasshylary anyqtaldy
SQO kásipkerler palatasy baspasóz qyzmetiniń málimetinshe, Ashyq jobasy boıynsha kelýshilerdi eń kóp tirkegenderdiń arasynda aýdandyq kásipkerlik nysandary da bar.
«Jobaǵa qosylǵandar sany kúnnen-kúnge artyp keledi. Aýylda da suranys bar. Alǵash ret birden 28 jeńimpazdy tirkep otyrmyz. Olardyń barlyǵy qosymsha jeńildikterge ıe bolady. ıAǵnı, olardyń jumys ýaqyty uzartylady», - deıdi SQO kásipkerler palatasynyń sarapshysy Olga Dostler.
Osy joly Ashyq boıynsha úzdik nátıje kórsetkenderdiń 11-i – qoǵamdyq tamaqtaný orny, 8-i – bilim berý mekemesi, 3-ýi – demalys nysany, ekeýi – fıtnes ortalyq jáne bir-birden monsha kesheni men SPA-ortalyq.
«Qazirgi ýaqytta QR-kod 2355 nysanǵa berilgen, onyń 2207-si jobanyń tolyqqandy múshesi. 148-i testileý rejıminde jumys istep jatyr. Bul joly eshqaısysyn jobadan shyǵarǵan joqpyz. Óıtkeni, onyń artyqshylyǵyn kásipkerler túsinip jatyr. Olar qosymshany qoldaný arqyly qaýpsiz jaǵdaıda jumys isteıdi», - deıdi SQO kásipkerlik jáne ındýstrıaldy-ınnovatsııalyq damý basqarmasynyń bólim basshysy Qanat Shamsýtdınov.
Petropavldaǵy iri saýda-oıyn-saýyq ortalyqtarynyń biri eki aptanyń ishinde 70 myń kelýshini tirkegen.