SQO-da Ashyq arqyly «qyzyl» mártebesi bar 333 adam anyqtaldy

PETROPAVL. QazAqparat – Soltústik Qazaqstan oblysynda Ashyq arqyly úı karantınin buzǵan 600-ge jýyq adam anyqtaldy, olardyń 333-iniń «qyzyl» mártebesi bolǵan, dep habarlaıdy QazAqparat tilshisi.

SQO kásipkerler palatasynyń málimetinshe, óńirde 2603 nysan Ashyq jobasyna qosylǵan, olardyń 49-y testilik rejımde jumys istep jatyr.

«Ashyq jobasyna aýyldyq jerlerde de belsendi qosylyp jatyr. Qazir qosymshamen jumys isteıtin sýbektilerdiń 54 %-y – oblys aýdandarynda ornalasqan. Joba óz nátıjesin berýde. SQO sanıtarııalyq-epıdemıologııalyq baqylaý departamenti bergen málimetke súıensek, júıe óńirde júzege asyrylǵaly úı karantınin buzǵan 563 adam anyqtalǵan. Olardyń 333-iniń «qyzyl», 230-ynyń «sary» mártebesi bolǵan», - deıdi SQO kásipkerler palatasynyń dırektory Álibek Áshmetov.

«Qyzyl» mártebeliler - COVID-19-dy juqtyrǵandar bolsa, «sary» mártebesi barlar – aýyrǵandarmen baılanysta bolǵandar. Olardyń ekeýi de qaýipti vırýsty basqalarǵa juqtyrmaýy úshin oqshaýlanyp, úı karantıninde otyrýǵa mindetti.

Buǵan deıin SQO-da 208 myń adamnyń koronavırýsqa qarsy vaktsınatsııanyń tolyq kýrsynan ótkenin habarlaǵan edik.