SQO-da Ashyq arqyly karantın talabyn buzǵan 150-den astam turǵyn anyqtaldy

PETROPAVL. QazAqparat – Soltústik Qazaqstan oblysynda Ashyq qosymshasy arqyly «qyzyl» jáne «sary» mártebemen qoǵamdyq oryndarda júrgen 172 adam anyqtaldy, dep habarlaıdy QazAqparat tilshisi.

SQO sanıtarııalyq-epıdemıologııalyq baqylaý departamenti basshysynyń mindetin atqarýshy Tatıana Gorlovanyń aıtýynsha, óńirde Ashyq júıesi jaqsy jumys istep tur. Koronavırýsty juqtyrǵan jáne aýyrǵan adammen baılanysta bolǵan turǵyn qoǵamdyq orynǵa kirgen jaǵdaıda, nysan baǵdarlamaǵa qosylǵan bolsa, birden kórsetedi.

«Qyzyl» mártebesi bar adamdar – olar aýyrǵandar. Mundaı turǵyndar vırýsty taratpaı úıde otyryp, em alýlary qajet. Al «sary» mártebesi barlar – baılanysta bolǵandar, olar vaktsınatsııalaý kýrsynan ótpegen jaǵdaıda 14 kúnge úı karantınine otyrǵyzylady. Alaıda olardyń keıbiri jaǵdaıyna qaramastan úırenshikti turmys saltyn ózgertkisi kelmeıdi. Basqalarǵa qaýip tóndirse de qoǵamdyq oryndarǵa barady. Karantın rejımin buzǵandar jaýapkershilikke tartylady», - deıdi Tatıana Gorlova.

SQO-da Ashyq qosymshasy arqyly «qyzyl» mártebesi bar – 96, «sary» mártebesi bar – 76 adam anyqtalǵan. Endi olarǵa aıyppul salynbaq.

Qazirgi ýaqytta óńirde 2 myńnan astam nysan Ashyq baǵdarlamasy boıynsha jumys isteıdi. Olardyń 590-y testileýden ótip jatyr. Júıege qosylǵandarǵa birqatar jeńildikter bar.

Buǵan deıinSQO-da 50-ge jýyq kásiporynnyń Ashyq-tan shettetilgenin aıtqan edik.