SQO-da Ashyq arqyly 6,5 mln teńgege jýyq aıyppul salyndy
SQO sanıtarııalyq-epıdemıologııalyq baqylaý departamentiniń basshysy Áset Jumataev Ashyq jobasynyń jumysyna qatysty esep berdi.
«Sary» mártebesi bar, oqshaýlanýy tıis turǵyndarǵa qatysty sanıtarııalyq-epıdemııaǵa qarsy jáne sanıtarııalyq aldyn alý is-sharalaryn júrgizý boıynsha 517 qaýly shyǵaryldy. «Qyzyl» mártebesi bar 158 karantın buzýshy ákimshilik jaýapqa tartyldy. Olarǵa 6,5 mln teńgege jýyq aıyppul salyndy. QR basqa aýmaǵynda turatyn, SQO-daǵy nysandarǵa kirgen 30 adamǵa qatysty materıal shara qoldaný úshin turǵylyqty jerine jiberildi», - deıdi Áset Jumataev.
SQO-da qazirgi tańda Ashyq jobasyna 2958 nysan qosylǵan.
«Ashyq jobasyn qoldaný ózekti bolyp qala bermek. Bul bıznes sýbektilerine shekteý sharalarynda da jáne kelýshilerge qaýip tóndirmeı jumystaryn jalǵastyrýǵa múmkindik beredi. Bul qosymsha karantın talabyn buzǵandardy anyqtaýda úlken sep. «Qyzyl» jáne «sary» mártebesi barlar qoǵamdyq oryndarǵa barý arqyly basqalarǵa qaýipti ınfektsııany juqtyrý qaýpin tóndiredi. Sondyqtan Ashyq jobasyn qoldanýdy jalǵastyramyz. Sondaı-aq monıtorıngtik toptarǵa jumysty jandandyrýdy tapsyramyn. Qazir óńirde aýyrǵandar sany azaıyp keledi. Biraq qaýip bar, bosańsýǵa bolmaıdy. Sol sebepti de mereke qarsańynda jınalyp otyrmyz. Oblys turǵyndaryn mereke kúnderi bárimizge belgili barlyq sanıtarııalyq talaptardy ustanýdy shaqyramyn. Ol áleýmettik ara qashyqtyqty saqtaý, maska taǵý, adam kóp shoǵyrlanǵan jerlerge barmaý. Áıtpese jańa jyldan keıin aýyrǵandar sany kúrt artýy múmkin», - dedi SQO ákimi Qumar Aqsaqalov.
Jeltoqsan aıynyń basynan monıtorıngtik toptar 127 reıd ótkizip, 643 nysandy uamtydy. Nátıjesinde shekteý sharalaryn buzǵan 15 tulǵaǵa 1 mln teńgeden astam aıyppul salyndy.