SQO-da as tuzyn óndiretin kásiporyn ashylmaq
Oblystyq Sybaılas jemqorlyqqa qarsy qyzmettiń málimetinshe, «Investıtsııany jáne bıznesti qorǵaý» jobasy bir jyldan beri jumys istep keledi.
«Sybaılas jemqorlyqqa qarsy jobalyq keńseniń qyzmetkerleri kásipkerlermen birge bıznes-jobany júzege asyrýdyń barlyq kezeńderinen ótedi. ıAǵnı ruqsat qujattardy alýdan bastap, kásiporyndy iske qosý jáne onyń keıin turaqty jumys isteýi – bári baqylaýda bolady. Munyń bári tegin júrgiziledi. Al kásipkerler óz kezeginde jemqorlyqqa jol bermeýleri kerek», - deıdi departament basshysynyń birinshi orynbasary Nurlan Jaqın.
Oblysta 143,5 mlrd teńgege 16 jergilikti jáne sheteldik kásipkerlermen kelisimge qol qoıyldy. Kásipkerler óz máselelerimen jobanyń front ofısterine kele alady. Bir jyldyń ishinde óńir kásipkerlerinen 54 shaǵym túsken.
Solardyń biri - «Jaqsy tuz Petropavl» JShS. Dırektorynyń aıtýynsha, oblys ákimdigi jer qoınaýyn paıdalanýǵa jer ýchaskesin berýge bas tartqan.
«2016 jyldyń sáýir aıynan bastap seriktestiktiń ShúÝálıhanov aýdanyndaǵy Teke kóliniń mańynda as tuzyn óndirýge kelisimsharty bar. Jer qoınaýyn 25 jyl paıdalana alady. Alaıda iske kirisý úshin jer ýchaskesin paıdalanýǵa ruqsat alý kerek», - deıdi JShS ókilderi.
SQO Kásipkerler palatasy jáne Sybaılas jemqorlyqqa qarsy qyzmettiń aralasýynan keıin bar materıal qaıta qaralyp, jer boıynsha komıssııanyń otyrysynda «Jaqsy tuz Petropavlǵa»Teke kóliniń mańynan jer ýchaskesin berý týraly sheshim qabyldandy.
As tuzyn óndiretin zaýytty iske qosýǵa 1,95 mlrd teńge ınvestıtsııa quıylmaq. «Jaqsy tuz Petropavl» JShS bas dırektory Erik Ázenovtyń aıtýynsha, joba júzege asqan jaǵdaıda jyldyq eńbekaqysy 900 myń dollardy quraıtyn jańadan 150 jumys orny ashylmaqshy.