SQO-da araq-sharaptan múlde bas tartqan bes aýyl bar

<p>PETROPAVL. KAZINFORM &ndash; Soltústik Qazaqstan oblysynda byltyr 219 adam májbúrli túrde maskúnemdikten emdelýge jiberildi, onyń 120-sy buǵan deıin de narkologııalyq dıspanserde em alǵan.&nbsp;</p>

SQO Polıtsııa departamentiniń bastyǵy Aıdyn Qabduldınovtyń aıtýynsha, maskúnemdik – qoǵamnyń úlken problemasyna aınalǵan. Statıstıka boıynsha, qylmystardyń tórtten biri mas kúıde jasalady.

«Alkogolızmmen kúresý úshin barlyq sharalardy qolǵa alyp jatyrmyz. Sonyń biri – maskúnemderdi májbúrli túrde emdetý. Biraq, ókinishke oraı, bir adamdy birneshe ret emdetýge týra kelip jatady. Byltyr 200-den asa adam narkologııalyq ortalyqqa jatqyzylsa, sonyń jartysynan astamy ol jerge qaıta túsken. 
Ekinshi baǵyty – zańsyz aınalymnan spırttik ishimdikterdi alý. Byltyr araq-sharapty zańsyz satýdyń 300-ge jýyq deregi anyqtalyp, 12 myń lıtr alkogol tárkilendi», - deıdi Aıdyn Qabduldınov.

Spırttik ishimdikter satyp, zańsyz paıda tapqan 559 adam polıtseılerdiń esebine alyndy. Jalpy zańnamany buzǵandarǵa 10 myń ákimshilik hattama toltyrylǵyn.

«Oblysta araq-sharaptan tolyq bas tartqan bes aýyl bar, olar: Taıynsha aýdanyndaǵy Teńdik aýyly, Aıyrtaý aýdanyndaǵy Qarasaı batyr jáne Birlestik aýyldary, Esil aýdanynyń Qaraǵaı aýyly jáne Ǵ.Músirepov atyndaǵy aýdannyń Kovylnoe eldi mekeni. 
Bul aýyldarda barlyq toı-tomalaq spırttik ishimdiktersiz ótedi. Dúkenderinde alkogol satylmaıdy», - deıdi departament bastyǵy.

Sondaı-aq byltyr kólikti mas kúıde basqarǵan 1164 júrgizýshi anyqtalyp, tıisti jazasyn alǵan.