SQO-da apatty mektepter men jataqhana tapshylyǵy máseleleri tolyq sheshildi
− Materıaldyq-tehnıkalyq bazany nyǵaıtý úshin 6,4 mlrd teńge bólindi. 51 pándik kabınet pen mektepterge 42 avtobýs satyp alyndy. 53 bilim berý nysanyna kúrdeli jóndeý júrgizildi, − dedi Ǵ.Nurmuhambetov Astanada Ortalyq kommýnıkatsııalar qyzmetinde.
Sońǵy úsh jylda oblysta 3 jańa mektep iske qosyldy. Apatty jaǵdaıdaǵy mektepter máselesi bıyl tolyq sheshildi. Osylaısha, sońǵy 5 jylda óńirdegi UBT-nyń ortasha baly 8,6 balǵa ósken.
«Bilim berý ınfraqurylymyn qoldaý qory esebinen «Bereke» shaǵyn aýdanynda arnaıy mekteptiń qurylysy aıaqtaldy. Jańa ǵımarat balalardy arnaıy mektepterde oqytý úshin oryn tapshylyǵy máselesin tolyǵymen sheshti. Oqý korpýsy 300 orynǵa eseptelgen, sondaı-aq ınternat bar. Qazir munda 220 bala bilim alýda», - dep tolyqtyrdy ákim.
Prezıdenttiń tapsyrmasy boıynsha óńirde «Jaıly mektep» ulttyq jobasy júzege asyrylyp jatyr. Qarasha aıynda «Orman» shaǵyn aýdanynda 600 oryndyq jaıly mektep ashyldy.
− Sondaı-aq, bıyl stýdenttik jataqhanalardaǵy oryn tapshylyǵy máselesi sheshildi. Petropavlda jergilikti ýnıversıtet úshin 1200 oryndyq jataqhana salyndy. Bul oblys ortalyǵyndaǵy eń úlken jataqhana bolyp sanalady. Taǵy bir156 oryndyq jataqhana ashyldy, onyń ishinde 25 páter ýnıversıtetke shaqyrylǵan oqytýshylarǵa arnalǵan. Qazirgi ýaqytta oblysta oryn tapshylyǵy joq, kerisinshe, artylyp qalyp jatyr, − deıdi Ǵ.Nurmuhambetov.
Buǵan deıin Soltústik Qazaqstan oblysynyń ákimi kóktemgi sý tasqyny saldary qalaı qalpyna keltirilgenin aıtyp bergen edi.
Sondaı-aq, Petropavl qalasynyń ataýyn ózgertý kún tártibinde turǵan joq.