SQO-da antıbıotıkterdi orynsyz qoldanýdyń saldary týraly aıtyldy
Eki kúndik is-sharaǵa jergilikti atqarýshy organdardyń veterınarııa qyzmeti ókilderi jáne óndiristiń veterınarlary qatysty.
— Qazir jumys istep jatqan veterınarlardyń kópshiligi Keńes zamanynda bilim alǵandar. Ómir bir orynda turǵan joq. Normatıvter ózgerip jatyr, bıologııalyq qaýipsizdik, antımıkrobtyq rezıdenttik, janýarlardy emdeýde jańa ádister, tehnologııalar týraly aıtyp, baǵyt-baǵdar berý maqsatymyz. Mysaly ınfektsııanyń ári qaraı taralýyn toqtatý úshin aýrý oshaǵynda qalaı jumys isteý qajettigin, juqpaly aýrý taraǵan aımaqqa qalaı kirý kerek, jeke qorǵanysh kostıýmin qalaı durys paıdalanǵan jón, synama qalaı durys alynady — bizdiń joba aıasynda munyń bári aıtylyp, kórsetiledi, — deıdi azyq-túlik jáne aýyl sharýashylyǵy uıymynyń ulttyq keńesshisi Almat Áýbákirov.
Mamandardyń aıtýynsha, adam boıyndaǵy ınfektsııalyq aýrýlardyń 60% janýarlar arqyly beriledi, al veterınarııada mıkrobqa qarsy dári-dármekti durys paıdalanbaý bakterııanyń tózimdiligine, saldarynan indettiń kúsheıýine ákep soqtyrady.
— SQO — mal sharýashylyǵyn damytýdan el boıynsha alda keledi. Sút-taýarly fermalary salynyp, paıdalanýǵa berilip jatyr. Shetelden kóp mal ákelinedi. Statıstıkaǵa súıensek, sońǵy on aıda óńir 320 myń tonnadan astam sút bergen. Osyndaı eren eńbek esh ketpeýi úshin veterınarlarmen antıbıotıkterdi durys qoldanýǵa qatysty jumys júrgizip jatyrmyz. Mıkrobtarǵa qarsy preparattarǵa tózimdilik jahandyq másele, SPID, malıarııa sııaqty aýrýlarmen qatar turyp, adamdarǵa qaýip tóndirgen.Bul joba bıyl qolǵa alyndy, jalpy úsh jylǵa shaqtalǵan. Kelesi jyly da veterınarlyq qyzmet mamandarynyń biliktiligin arttyrý boıynsha jumys isteımiz, — deıdi BUU Azyq-túlik jáne aýyl sharýashylyǵy uıymynyń jobalyq úılestirýshisi Leıla Ańsabaeva.
Semınar-trenıngke qatysýshylardyń biri — Suńǵat Qasenov on jyldan artyq veterınar bolyp eńbek etip keledi.
— Antıbıotıkterdi kóp mólsherde, jıi qoldaný saldarynan aǵza oǵan úırenip, kerek kezinde nátıje bermeýi múmkin. Preparat óziniń tıimdiligin joǵaltady. Sol sebepti antıbıotıkti qoldansaq ta, ony basqa túrlerimen kezektestirip otyrý qajet. Qazir mal aýrýlary kóp, buryn kezikpegen túrleri de paıda bolyp jatyr. Sondyqtan antıbıotıkten múlde bas tarta almaımyz. Aýrýdyń aldyn alǵan abzal, árıne, qazir túrli vaktsınalar bar. Biraq kútpegen jaıttar bolyp turady. Semınar bizge kerek, veterınarııa salasynda ózgeris bar, jumysbastylyqqa salynyp, keıde mán bermeı jatamyz, — deıdi «Redın V.G.» sharýa qojalyǵynyń veterınary Suńǵat Qasenov.
SQO-da veterınarlarǵa arnalǵan is-shara Qyzyljar, Mamlıýt, Aqqaıyń jáne Taıynsha aýdandarynda ótti.
Buǵan deıin SQO-da qaı jerde shańǵy-konkıdi jalǵa alyp, tebýge bolatynyn jazǵan edik.