SQO-da «Ańsaǵan sábı» baǵdarlamasy boıynsha tuńǵysh náreste dúnıege keldi
18:39, 10 Qańtar 2022
PETROPAVL. QazAqparat – Soltústik Qazaqstan oblysynda «Ańsaǵan sábı» baǵdarlamasy boıynsha alǵashqy sábı – qyz bala dúnıege keldi, dep habarlaıdy QazAqparat tilshisi.
SQO densaýlyq saqtaý basqarmasy baspasóz qyzmetiniń málimetinshe, bosanǵan jas ana 1985 jyly týǵan, Petropavl týmasy. Qazir jansaqtaý bólimshesinde jatyr. Sábıiniń jaǵdaıy jaqsy, 3 keli 300 gr salmaqpen dúnıege keldi.
«Qazirgi ýaqytta 103 júkti áıel esepte tur. Baǵdarlamaǵa qatysqan taǵy bes áıel nátıjesin kútýde. Jalpy 2021 jyly «Ańsaǵan sábı» prezıdenttik baǵdarlamasy boıynsha 217 kvota bólindi», - delingen habarlamada.