SQO-da anasy pyshaqtaǵan 11 jasar qyzdyń beti beri qarady

<p>PETROPAVL. KAZINFORM &ndash; Soltústik Qazaqstan oblysy Ýálıhanov aýdanynda anasy pyshaqtaǵan 11 jasar qyz esin jınady. Ázirge jansaqtaý bóliminde jatyr.</p>

Pyshaq jaraqatyn alǵan qyz 18 qyrkúıek kúni keshke SQO kópbeıindi balalar aýrýhanasyna sanavıatsııamen jetkizildi. 

«17 qyrkúıek kúni Ýálıhanov aýdandyq aýrýhanasyna 11 jasar qyz pyshaq jaraqatymen tústi. Sanavıatsııamen oblystan mamandar – hırýrgter, sonyń ishinde tamyr hırýrgi, shtattan tys reanımatolog dáriger keldi. Sol jerde ota jasalyp, jaǵdaıy turaqtanǵanǵa deıin bir táýlik aýdandyq aýrýhanada boldy. 18 qyrkúıek kúni keshke sanavıatsııamen, reanımatologtyń baqylaýynda oblystyq kópbeıindi balalar aýrýhanasyna jetkizilip, jansaqtaý bólimine jatqyzyldy», - deıdi SQO kópbeıindi balalar aýrýhanasy dırektorynyń mindetin atqarýshy Aleksandr Gassman.

Dárigerdiń aıtýynsha, qazirgi ýaqytta balanyń beti beri qarady, esin biledi. Ókpeni jasandy jeldetý apparatymen demalyp jatyr. 

«Ázirge táýlik boıy bizdiń baqylaýymyzda. Biraq, ómirine keler qaýip joq. Birer kúnde, jaǵdaıy turaqtanǵan soń profıldi bólimge aýystyramyz», - deıdi Aleksandr Gassman. 

Esterińizge salaıyq, 17 qyrkúıek kúni Ýálıhanov aýdany Óndiris aýylynda 40 jastaǵy áıel 6-synypta oqıtyn qyzymen úı tapsyrmasyn oryndap otyryp, pyshaq suǵyp alǵan. Qazir tergeý júrip jatyr.