SQO-da anasy ashý ústinde 11 jasar qyzyna pyshaq suǵyp aldy

<p>PETROPAVL. KAZINFORM &ndash; Soltústik Qazaqstan oblysy Ýálıhanov aýdanynda 40 jastaǵy áıel 6-synypta oqıtyn qyzyna pyshaq suǵyp aldy. Qazir osy oqıǵaǵa baılanysty qylmystyq is qozǵaldy.</p>

Oqıǵa Ýálıhanov aýdany Óndiris aýylynda 17 qyrkúıekte bolǵan. 40 jastaǵy áıel qyzymen úıge berilgen tapsyrmany oryndap otyryp, ashýyna erik berip, 11 jastaǵy qyzyna pyshaq suǵyp alǵan. Aýyr jaraqat alǵan jasóspirim aýdandyq balalar aýrýhanasyna jetkizildi. 

Ýálıhanov aýdany ákimdiginiń málimetinshe, bul otbasy buryn eshqandaı esepte turmaǵan. 

«Otbasynyń 6 balasy bar. Zardap shekken erli-zaıyptynyń tuńǵyshy, 2013 jyly týǵan qyz bala. Jalpy úsh ul, úsh qyz tárbıelenip jatyr, eń kishkentaılary nebary 2 jasta ǵana. Ata-ájesi birge turady. Áıel jergilikti sharýashylyqta aspaz. Oqıǵa bolǵannan keıin úıge bardyq, jaǵdaılary jaqsy. Biletinder de ol otbasy týraly tek jaqsy pikirde», - deıdi Ýálıhanov aýdany ákiminiń orynbasary Talǵat Saǵıtov. 

SQO polıtsııa departamenti baspasóz qyzmetiniń málimetinshe, qazirgi ýaqytta tergeý júrgizilip jatyr. 

«Atalǵan fakti boıynsha kórineý kámeletke tolmaǵan adamǵa qatysty densaýlyqqa qasaqana aýyrlyǵy ortasha zııan keltirý belgileri boıynsha sotqa deıingi tergep-tekserý bastaldy. Barlyq jaǵdaılar anyqtalatyn bolady», - dep jaýap berdi vdeomstvoda. 

Buǵan deıin Petropavlda órt kezinde kúıik alǵan er adam jansaqtaý bóliminde jatqanyn jazǵan edik.