SQO-da áleýmettik qyzmet kórsetý ortalyǵy qyzmetkerleriniń 2 mln teńgesin zańsyz ustap qalǵan

<p>PETROPAVL. KAZINFORM &ndash; Soltústik Qazaqstan oblysynyń prokýrorlary jumysshylardyń konstıtýtsııalyq quqyǵyn qorǵady.</p>

SQO prokýratýrasynyń málimetinshe, júrgizilgen taldaý aıasynda qadaǵalaýshy organ jumysshylardyń eńbekaqysynan áleýmettik tólemderdi negizsiz ustaý faktisin anyqtady.

Óreskel zań buzýshylyq Taıynsha aýdanynda tirkeldi. Mundaǵy áleýmettik qyzmet kórsetý ortalyǵynyń laýazymdy tulǵalary Eńbek kodeksiniń 115-babynyń talaptaryna qaıshy, yntalandyrý aqylaryn tóleý úshin 20 qyzmetkerden 2 mln teńge kóleminde eńbekaqyny ustap qalǵan.

- Olımpıadalyq rezervtegi daıyndyq ortalyǵynda, M.Jumabaev aýdanynyń balalar men jasóspirimder sport mektebinde jáne oblystyq ákimdiktiń Densaýlyq saqtaý basqarmasynda da dál osyndaı jumysshylardyń quqyǵy buzylǵany anyqtaldy. Prokýrorlyq qadaǵalaý aktisi boıynsha kináli laýazymdy tulǵalar tártiptik jaýapkershilikke tartylyp, zańsyz ustalǵan somalar qaıtaryldy. Osylaısha qabyldanǵan sharalardyń nátıjesinde 23 jumysshynyń quqyǵy qorǵaldy, - delingen habarlamada.

Mamandardyń aıtýynsha, byltyr qadaǵalaýshy organ 2,5 myńǵa jýyq jumysshynyń konstıtýtsııalyq quqyǵyn qorǵady.

Buǵan deıin SQO-da 2 myńǵa jýyq jas memlekettik tapsyrys boıynsha jumysshy mamandyqtarda oqyp jatqanyn jazǵan edik.