SQO-da alaıaqtyq jasaǵan basqarma basshysy 10 mln teńge tólep qutyldy

PETROPAVL. QazAqparat – Petropavl qalalyq soty Qyzyljar aýdanynyń memlekettik kirister basqarmasynyń basshysyna úkim shyǵardy, dep habarlaıdy QazAqparat tilshisi.

Petropavl qalalyq sotynyń málimetinshe, sottalýshy - Qyzyljar aýdanynyń memlekettik kirister basqarmasynyń basshysy M. degen adamdy salyq kórsetkishterin ózgertýge kómektesemin dep aldap, 1 250 myń teńge aqshasyn ıemdenip ketken.

Sottalýshynyń kinási jábirlenýshiniń aıǵaqtarymen, jazbasha materıaldarmen dáleldendi.

Prokýror sottalýshyny ómir boıy tıisti organdarda qyzmet atqarý quqyǵynan aıyryp, 3 jyl 6 aı bas bostandyǵynan aıyrý jazasyn taǵaıyndaýdy surady.

Sottalýshy kinásin moıyndady.

Jalpy qylmystyń bul túri úshin aıyppul nemese bas bostandyǵynan aıyrý túrindegi jaza kózdelgen.

Sot sottalýshynyń jazasyn jeńildetetin mán-jaıdy - onyń shyn júrekten ókinýi, jas balasy bar ekenin esepke aldy.

Al qabyldaǵan antty buzýy - qylmysty aýyrlatatyn mán-jaı dep tanylady.

Sot sottalýshyǵa zańsyz ıelengen múliktiń 10 eselengen mólsherinde aıyppul salýǵa jaza kesti. Aıyppul somasy - 10 271 myń teńge.

Sondaı-aq eks-sheneýnik ómir boıy memlekettik qyzmette qyzmet atqarý quqyǵynan aıyryldy.

Al 1 250 myń teńge memleket kirisine tárkilendi.