SQO-da ákimdikter jergilikti sharýashylyqtarmen memorandýmǵa otyryp jatyr
SQO ákimi Qumar Aqsaqalov jyl bastalǵaly aýyldardy aralap, turǵyndarmen, sharýashylyqtarmen kezdesýler ótkizip jatyr. Maqsat – aýyldardyń jaǵdaıymen tanysý.
Q.Aqsaqalov Taıynsha aýdany ıAsnaıa Polıana eldi mekeninde de boldy. Jergilikti sharýalardyń qorytyndy esebin tyńdap, turǵyndardyń saýaldaryna jaýap berdi. Jıynda ıAsnaıa Polıana aýyldyq okrýgin damytýdyń 2022 jylǵa arnalǵan jospary anyqtalyp, memorandýmǵa qol qoıyldy. Bul jaıynda óńir basshysy áleýmettik jelidegi paraqshasynda jazdy.
«Jıynda «Taıynsha Astyq» jáne «Vıshnevskoe» seriktestikteriniń basshylary aýyl turǵyndarynyń turmysyn jaqsartý boıynsha naqty mindettemeler aldy. Bul 10 jańa jumys ornyn ashý, qyzmetkerlerdiń eńbekaqysyn kóterý, úılerdi jylý jelilerine qosý jáne saıabaqty jóndeý. Oǵan qosa, tyńaıtqyshtardy daıyndaıtyn tseh ashylady. Sondaı-aq, sharýalardyń aýyl dúkenderin tómen baǵadaǵy óz ónimderimen qamtamasyz etýge múmkindigi bar. Bul tarmaq ta memorandýmǵa engiziledi», - dep jazdy Qumar Aqsaqalov.
Oblys ákiminiń aıtýynsha, ıAsnaıa Polıana aýyldyq okrýgine jyl saıyn memlekettik qoldaý kórsetiledi. Máselen, aýyl ishilik joldar jóndelip, kósheler jaryqtandyryldy, oıyn alańdary ornatyldy. Vıshnevka aýylynda jańa mekteptiń qurylysy júrip jatyr. Al bıyl ıAsnaıa Polıana aýylyna deıingi 53 shaqyrym joldy jóndeý boıynsha eki jyldyq joba iske qosylady.