SQO-da aqyl-esi kem adamǵa nesıe rásimdelgen

<p>Soltústik Qazaqstan oblysynda prokýrorlardyń tekserisinen keıin psıhıkalyq aýrýy bar adamǵa 300 myń teńgege jýyq nesıeniń rásimdelgeni anyqtaldy, dep habarlaıdy Kazinform.&nbsp;</p>

SQO prokýratýrasynyń málimetinshe, 2021 jyly «Kaspi Vank» AQ-y arqyly oblys ortalyǵynyń turǵynyna somasy 279 780 teńgege nesıe rásimdelgen. Petropavldyq psıhıkalyq aýrýy boıynsha ekinshi toptaǵy múgedek, ıaǵnı qabiletsiz tulǵa bolyp esepteledi. Osylaısha QR Azamattyq kodeksiniń talaptary buzylǵan.

Nesıeni zańsyz rásimdeý deregin qadaǵalaýshy organ halyqtyń áleýmettik osal toptarynyń quqyqtaryn qorǵaý boıynsha qadaǵalaý jumysy aıasynda anyqtady.

Aqyl-esi kem, áreketke qabiletsiz dep tanylǵan adamǵa nesıe rásimdelgendikten, prokýrorlar sotqa nesıe shartyn jaramsyz dep taný týraly talap jiberdi.

Sottyń sheshimimen prokýrordyń talaby qanaǵattandyryldy, nesıe sharty jaramsyz dep tanyldy, áreketke qabiletsiz adamnyń quqyǵy qalpyna keltirildi.

Alaıaqtyq faktisi boıynsha QR Qylmystyq kodeksiniń 190-baby 2-bóligi 4-tarmaǵy, ıaǵnı ınternet alaıaqtyq boıynsha sotqa deıingi tergep-tekserý bastaldy, qazirgi ýaqytta tergeý áreketteri júrgizilýde.