SQO-da ahýal turaqtanyp keledi, alaıda sý tasqynynyń ekinshi tolqyny bar

<p>ASTANA. KAZINFORM - SQO-da sý tasqynyna qatysty jaǵdaı birtindep turaqtanyp keledi. Bul týraly Ortalyq kommýnıkatsııalar qyzmeti alańynda ótken brıfıngte SQO TJD baspasóz hatshysy Evgenıı Jýravlev aıtty.&nbsp;</p>

«Esil, Qyzyljar aýdandarynyń eldi mekenderinde jáne Petropavl qalasynda sý baıaý bolsa da ketip jatyr. Sý tasqynynyń ekinshi tolqyny kútilýde. Ony biz Sergeev sý qoımasyna qarap baıqap otyrmyz. Qazirgi ýaqytta sý bóget shyńynan 2 m 93 sm asty, táýligine 18 sm artqan», - dedi SQO TJD baspasóz hatshysy Evgenıı Jýravlev OKQ alańynda ótken brıfıngte.

Spıker bıylǵy antırekord 4 m 25 sm ekenin atap ótti. 

Foto: OKQ

Sý tasqyny bastalǵannan beri oblysta 3419 úıdi sý basty, qazirgi sátte 173 úıden sý ketti. Oblys boıynsha 3223 úı jáne 1115 úı mańyndaǵy aýla sýda tur. Jalpy oblys boıynsha 14388 adam evakýatsııalandy, olardyń 3596-sy — bala. Búgingi kúnge, 705 adam úılerine oraldy, onyń 184-i — bala.