SQO-da ádilet departamentiniń qyzmetkeri laýazymyn paıdalanyp, para suraǵan
SQO Sybaılas jemqorlyqqa qarsy qyzmettiń málimetinshe, ádilet departamentiniń qaýipsizdik qyzmeti qyzmettik tekseris júrgizip, nátıjesinde zııatkerlik menshik quqyǵyn qorǵaý bólimi bas mamanynyń para alǵanyn anyqtaǵan. Qylmystyq is tergeý úshin Sybaılas jemqorlyqqa qarsy qyzmetke beriledi.
Mamandardyń aıtýynsha, bólimniń bas mamany kásipkerdiń «StarLain» taýarlyq belgisin qanshalyqty zańdy paıdalanyp júrgenin teksermek bolǵan. Alaıda zańbuzýshylyqtar anyqtalyp, ol zańsyz satylǵan 3 avtokólik dabylqaqqyshynyń tek bireýin ǵana aınalymnan alý úshin syıaqy suraǵan.
«Іshki qaýipsizdik bólimi barlyq materıaldy bizdiń sybaılas jemqorlyqqa qarsy qyzmetke joldady. Tergeý barysynda barlyq materıaldar tolyq zerdelendi. Suraq-jaýap barysynda aqshany bergeni, alǵany anyqtaldy. Biraq bul istiń aıaqtalǵanyn bildirmeıdi. Óıtkeni vıdeo, aýdıo tirkeý bolǵan joq. Sondyqtan da bul bas mamandy qylmystyq jaýapkershilikke tartýǵa jetpeıdi», - deıdi SQO Sybaılas jemqorlyqqa qarsy is-qımyl agenttiginiń SQO boıynsha departament basshysynyń orynbasary Nurlan Jahın.
Onyń aıtýynsha, soǵan qaramastan ádilet departamenti bóliminiń qyzmetkeri memlekettik qyzmettiń bedeline nuqsan keltirgeni úshin tártiptik jaýapkershilikke tartylýy tıis. Oǵan barlyq negiz bar.
«Sybaılas jemqorlyqqa jol berdi. Memlekettik qyzmetshi qyzmetin asyra paıdalanyp, sol arqyly tabys tappaq boldy. Sol sebepti bul mamanǵa teris ýájben jumystan shyǵarý sııaqty qatań shara qoldaný qajet. Al ádilet departamentiniń ujymy bolashaqta osyndaı jaǵdaılarǵa jol bermes úshin sybaılas jemqorlyqtyń aldyn alý jumysyn jandandyrýy tıis», - deıdi Nurlan Jahın.
Qazirgi ýaqytta para almaq bolǵan bas maman densaýlyǵyna baılanysty ýaqytsha demalys alǵan.
Jalpy byltyr SQO Sybaılas jemqorlyqqa qarsy qyzmet 125 usynys jiberip, onyń 118-i eńbek ujymdarynda qaralǵan. Nátıjesinde, 53 tártiptik jaza qoldanyldy, sonyń ishinde 7 adam jumysynan alynyp, bireýi qyzmetinen tómendetildi.