SQO-da adasyp ketken balany shekarashylar taýyp aldy

NUR-SULTAN. QazAqparat – Soltústik Qazaqstan oblysynda adasyp ketken balany shekarashylar taýyp aldy, dep habarlaıdy QazAqparat QR Ulttyq qaýipsizdik komıteti Shekara qyzmetiniń Instagram paraqshasyna silteme jasap.

Paraqshada jarııalanǵan málimetterge qaraǵanda, 16 qarasha kúni keshke UQK Shekara qyzmeti Soltústik Qazaqstan oblysy boı̆ynsha departamentiniń «Aqkól» bólimshesiniń shekarashylaryna jedel jáne tehnıkalyq qural arqyly shekara mańynda bóten adamnyń júrgeni týraly habar túsken.

Leı̆tenant Berik Nurahmetov uı̆ymdastyrǵan saýatty izdestirý is-sharalarynyń nátıjesinde shekara buzdy dep kúdik keltirilgen adamnyń ornyna jańbyrly kúni dalaǵa shyǵyp adasyp ketken 11 jastaǵy «T» atty jergilikti turǵyn tabyldy.

Shekarashylar balany bólimshege jetkizip, ystyq shaı̆ men qurǵaq kıim bergen. Artynan Mamlıýt aýdanynyń ýchaskelik ınspektory polıtsııa maı̆ory K.T. Isınmen birge balany onyń ata-anasyna tapsyrǵan.

«Esterińizge sala keteı̆ik, Qazgıdromettiń málimetinshe, Soltústik Qazaqstan oblysynda aýa temperatýrasy salqyn, keshke jáne túnde kún mınýs 14 gradýsqa deı̆in tómendeı̆di.
Ózińizge jáne jaqyn týystaryńyzǵa muqııat bolyńyz!»,-delingen shekarashylar taratqan málimetterde.