SQO-da 83 jastaǵy aýyl turǵyny eki táýlikten beri tabylmaı jatyr

<p>PETROPAVL. KAZINFORM &ndash; Soltústik Qazaqstan oblysynda 83 jastaǵy er adam túnde úıinen shyǵyp ketip, eki táýlikten beri tabylmaı jatyr. Zeınetkerdi izdeýge polıtsııa, qutqarýshylar, aýyl turǵyndary jumyldyryldy.&nbsp;</p>

SQO polıtsııa departamentiniń málimetinshe, Esil aýdany Birlik aýylynyń turǵyny 10 qarasha kúni túngi saǵat 2.00 men 6.00 aralyǵynda úıden shyǵyp ketken. Týystary ózdiginen izdep, taba almaǵandyqtan polıtsııanyń kómegine júgindi.

Foto: SQO TJD

«Keshe tańerteńnen beri izdep jatyrmyz. 20 shaqty polıtsııa qyzmetkeri jumyldyryldy. Budan bólek tótenshe jaǵdaılar departamentiniń mamandary izdestirip jatyr. Turǵyndar da kómekke keldi. Ushqyshsyz ushatyn apparat, tehnıka qoldanylyp jatyr. Aýa raıynyń qolaısyzdyǵy izdeý operatsııasyn qıyndatty. Óńirde birneshe kúnnen beri boran, izdi jaýyp tastady. Keshe kóktaıǵaq boldy», - deıdi SQO polıtsııa departamentiniń baspasóz qyzmetiniń ókili Nurbek Baekın. 

Foto: SQO TJD

Mamannyń aıtýynsha, qazirgi ýaqytta adasqan adam toqtaýytsts múmkin mal qamaıtyn oryndar, daladaǵy baqtashylardyń qosyndary, otyn daıyfndaıtyn oryndar tekserilip jatyr. Budan bólek baqtashylar, ormanshylar, fermerlik sharýashylyqtar eskertildi. 

Buǵan deıin adam izdeýge mashyqtanǵan Lider.kz volonterlik qozǵalysynyń úılestirýshisi Oksana Prıshıtspen suhbatty nazarǵa usynǵan edik.